×

Ang Biblia 1982

JOB 25

1
Niyan si Bildad nga Suhanon nagsabat:
2
“Ang kagamhanan kag ang kahadluk yara sa Dios; sia nagahimo sing paghidait sa iya mataas nga mga duug.
3
Maisipan bala ang iya mga hangaway? Sa kay sin-o bala wala nagabanaag ang iya kapawa?
4
Paano bala niyan nga ang tawo manginmatarung sa atubangan sang Dios? Paano bala nga pagkatinlo sang natawo sa babayi?
5
Yari karon, bisan ang bulan wala sing kasiga kag ang mga bitoon indi putli sa iya itololok;
6
daw ano pa gid kakubus ang tawo, nga ulud, kag ang anak sang tawo, nga ulud!”
Ilonggo Bible 1982
Ang Biblia 1982 Philippine Bible Society
:
Save Notes