×

Biblia alo Ŋɔŋlɔ Kɔkɔe 1913

Hiob 26

1
Eye Hiob ɖo ŋu gblɔ bena:
2
Ame kudɔe ŋue nye esia nèkpe ɖoa, eye alɔ beli enye esia nèxɔ naa?
3
Aɖaŋu pɛ nye esia nèɖo na ame manyanu, eye nètrɔ nunya ƒo ɖi dududua?
4
Ameka ƒe nyawo nèva gblɔ, eye ameka ƒe gbɔgbɔe do tso mewò?
5
Vɔvɔliwo le ʋuʋum nyanyanya le tsiwo kple wo me nuwo te.
6
Tsiẽƒe tsi go le eŋku me, eye woklo nu le ketu me dzi,
7
eya, amesi keke anyiehe ɖe ya me, eye meku anyigba ɖe naneke ŋu o;
8
amesi blaa tsiwo ɖe alilikpowo me, eye alilikpoawo medzena le wo ŋu o;
9
amesi xea eƒe fiazikpui ŋku me hekekea alilikpo ɖe edzi.
10
Eɖe liƒo ɖe tɔwo dzi godoo, vaseɖe afisi kekeli ke ɖe viviti ŋu le.
11
Dziƒosɔtiwo le dzodzom kpekpekpe, eye dziku tso wo ƒo le eƒe ŋɔdzidoname la,
12
Eƒe ŋusẽ nana ƒu dzea agbo, eye wògbãa ƒu me lãtsu gudugudu le eƒe nunya nu.
13
Eƒe ƒuƒu na dziŋgɔli me kɔ, eye eƒe asi ƒo nu ɖe ʋɔ dranyi, si le sisim la.
14
Kpɔ ɖa, esiawo nye eƒe mɔwo to ko, eye nusi sem miele la, enye dalidodo. Ke ameka ate ŋu abe eƒe ŋusẽ ƒe gbeɖeɖe gɔme?
Ewe Bible 1913
Bible in Éwé Revised Version Bible Society of Ghana, 1913, 2006
:
Save Notes