×

Ika Bible 2018

Jobu 26

1
Ya Jobu nọ sị,
2
“Nanị k'i dọn nwan yeni onyẹ ndụn rịlẹni ẹka?! Nanị k'i dọn nwan zụọpụha onyẹ ndụn gụ?!
3
Ọnwan wụ nwan ezigbo ndụnmọdụn ị rị e ye onyẹ marịnlẹni ihiẹn, ra amamihiẹn kẹ ị rị nwan a ghọsị ihiẹnni?
4
Onyẹ ye i ihiẹn ndịnị ku? Mmọn onyẹ gi i e ku?”
5
“Ndị rị alị-mmọn hụ a manị Chuku piripiri, ndị rị imẹ mirin hụn rị okpuru.
6
Alị-mmọn gba ọtọ ẹnya Chuku; Ntikpọ nkẹ rị oghe ẹnya a.
7
Ọ shịshịapụ igwere rị ẹbamịn-ugu ye imẹ elu bụ onwọnni ihiẹn gidọnn'ẹ; ịya kọnmẹ ụwa — bụ onwọnni ihiẹn kwọndọnn'ẹ.
8
Ịya mẹ igwere ẹ wụrụ ẹkpa-mirin ẹkpa-mirin, bụ w'a ra wahị.
9
O kpumẹ ifọn shịagụnị ihun — orukpu ẹ k'o gi e kpumẹ ẹ.
10
Ịya tumẹ okẹn ye elu mirin; ịya tumẹ ebẹhụ ukpẹ lẹ ishi nọ kebe.
11
Chuku ban mban, ihiẹn ndị gidọn elu-igwee e mẹhunmẹ, makẹni mban a a tụgbu wẹ ẹnya.
12
Ikẹn ẹ k'o gi tinyụn ẹbiri-ohimin; amamihiẹn ẹ k'o gi jakịka eje-anụ ahụn wụ Rehabụ.
13
Uzun ẹ kẹ igwere gi fọn; ẹka a zupu agwọ akan ahụn wụ Lẹvịatanị.
14
Ndịnị ile wụdẹ nwan ẹkẹrẹ ihiẹn ẹka a; ẹkẹrẹ sụọ kẹ ẹnyi a nụdẹ ukwere ẹ! Onyẹ k'a sa nwan ẹka ghọtachanrịn ikẹn ẹ hụn nọ kẹ akpabọ?!”
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes