×

WẼNNAAM SEBRE 2014

Zoob 26

1
Dẽ, a Zoob gomame n yeel yaa:
2
«Ad foom n sɩd mi pãn-komsem soab sõngr koe! Foom n sɩd mi ka-pãens rãmbã fãagre!
3
Foom n sɩd mi ka-yam soab saglgo! Ad Foom n sɩd mi bãngr sẽn tar pãng pʋdgre!
4
Fo goamã yaa ne ãnda la f gomda? La yaa ãndã n kɩt tɩ fo gomd woto?
5
Sẽn ki-b rãmbã rigdame. B bee b zĩigẽ ko-kãsengã tẽngr n digda.
6
Kɩɩm-kulg ka solg Wẽnnaam taoore ye. Sẽn ki-bã sẽn beẽ wã ka tar lill ye.
7
Wẽnnaam n yɛdg nug-rɩtg sa-gãongã t'a luund vɩʋʋgẽ, la b kɩt tɩ dũniyã yag vɩʋʋgẽ.
8
Bãmb n ning koom sawat pʋsẽ, la koomã zɩslem ka lubd sawatã ye.
9
Bãmb n lut b geerã, n takd sawaodgã yɛdg n lill-a.
10
Bãmb dẽega gũbr ko-kãsengã zugu, n welg vẽenem ne lik-bida wã.
11
Wẽnnaam sã n tãs saasã ra-lugdsã, b rigimdidame n yɛɛse.
12
Bãmb pãngã gudga ko-kãsengã. Bãmb pogla wag-bɛɛgã ne b yamã.
13
Bãmb vʋʋsmã pɩɩsa saasã. Bãmb nugã kʋ waaf ning sẽn zoetã.
14
Bõn-bãmba wiligda bãmb pãng tʋʋmã bilf bala, tɩ tõnd wʋmd a rãamdã wa waleng bala, dẽ, ãndã n tõe n wʋm b tʋʋm-kãsengã sa-tãs võore?»
Mossi MPBU 2014
Moore Bible Bible Society of Burkina Faso, 2014
:
Save Notes