×

NTETO INJEGA CIA 2018

Yob 26

1
Ayubu aracokia atîrî,
2
“Anga kûu nîku gûteethia ûrîa ûtî inya? Anga kûu nîku kwonokia barîa batî kainya?
3
Ûkweejana kîrîra bwega kîrî muntû ûrîa ûtî na kîo ûkûmboneeria mantû jamaingî ja ûûme.
4
Nûû ûgûteethetie woomba kwaria nteto ta iu? Nûû ûtûmîte ûthûgaania mantû jau?”
5
“Roho cia barîa bakuîte ka igûteetema irî gwa akuû nîka ikwinaina.
6
Gûntû kûrîa akuû barî Mûrungu nî akwonaga. Gûtîumba kwithwa atîgakwoone.
7
Mûrungu nîwe wakûmîre îgûrû bwa ûrîo aracuuracuuria nthîgûrû ruuoone.
8
Nîwe ûtûmaga matû jagîa rûûjî na akarigîîria jatîgatambûrwe nîru.
9
Mûrungu atumagîra matu kûthiîka mweri.
10
Nîwe wîkîte mwanka ndûûjîîne aathûrana weerû na muundu.
11
Itugî birîa bigweete îgûrû nîka biinainaga abigoondokera.
12
Aaboreerie îria na inya yaawe rîrakira ningî aratûmîra ûûme bwaawe kûûraga nyamû ya îria îrîa îtagwa Rahabu.
13
Aathererie îgûrû na mîrukî yaawe ningî arooraga nkûnga îrîa yaamatûkîte.
14
Atîrî, jau nî mantû jamakai jarîa aathithia jarîa twigîîtue jakîarua na kîoe. Nûû ûûmba kûmenya na mma ûrîa Mûrungu oomba kûthithia?”
Songe Bible 2018
KIMERU BIBLE WITH DC Bible Society of Kenya, 2009, 2018
:
Save Notes