BIBELE 1951
|
| 1 |
| Jobo a fetola a re: |
| 2 |
| Mohlokamaatla o mo thušitše kang? Letsogo le le sa tiago o le namoletše kang? |
| 3 |
| Mohlokabohlale o mo eleditše kang, wa mo ruta bohlale ka botlalo? |
| 4 |
| Ditaba tša gago o di anegetše mang? Mme ke moya wa mang o tšwilego molomong wa gago? |
| 5 |
| Kua tlase meetseng diriti di a roromela, ga mmogo le ba agilego gona. |
| 6 |
| Pele ga gagwe le bodulabahu bo a utologa, sekoti se khurumologile. |
| 7 |
| La leboa o le adile ka mašoka; lefase a le fega go se ne dithekgo. |
| 8 |
| O phuthela meetse mo marung a gagwe, gwa se be le leru le le gagogago fao. |
| 9 |
| Sedulo sa gagwe o se šira ka go ala leru lagwe mo go sona. |
| 10 |
| O beetše meetse magomo thoko tšohle, gona kua go gomago seetša le leswiswi. |
| 11 |
| Dithekgo tša leratadima di a šišinyega, di roromela ge a kgalemela. |
| 12 |
| O hudua lewatle ka maatla a gagwe; sehlogo sa lona o se ukubatša ka bohlale bjagwe. |
| 13 |
| Ka moya wa gagwe legodimo le apara swana; seatla sa gagwe se hlaba noga e tšhabago. |
| 14 |
| Sedio, ke yona merumo ya tsela tša gagwe, mme tše rena re di kwago ke tša go sebasebja fela. Modumo wa maatla a gagwe, wona ke mang a kago o kwa? |
| Boloka Lintlha |
https://beblia.bible:81/BibleAudio/sotho1951/job/026.mp3
42
26