×

أَتَّوْرَتْ دَ أَنَّبَاوَا 2020

Ayuba 27

1
أَيُوبَ يَثِيغَبَدَ ڧَارَ يِنْ مَغَنَ، يَثٜىٰ،
2
«نَا ضَنْڟٜىٰ دَ اللَّهْ مَيْ رَيْ، وَنْدَ يَحَنَ مِنِ شَرِيعَرْ غَسْكِيَ، نَا ضَنْڟٜىٰ دَ مَيْ إِيكُواْ دُكَ ، وَنْدَ يَكَٰوُاْ مِنِ ٻَثِنْ رَيْ دَ نَكٜىٰ ثِكِ،
3
ثٜىٰوَ مُدِّنْ إِنَدَ رَيْ، كُمَ نُمْڢَشِنْ اللَّهْ يَنَ ثِكِنَ،
4
حَڧِيڧَ بَاكِنَ بَذَيْ ڢَطَا مَغَنَرْ رَشِنْ غَسْكِيَابَ، هَرْشٜىٰنَ بَذَيْ ڢُرْتَ مَغَنْ‌غَنُنْ ڧَضْيَابَ؞
5
اللَّهْ يَسَوَّڧَ إِنْ يَرْدَ كُنَدَ غَسْكِيَ، حَرْ إِنْمُتُ، بَذَنْ دَيْنَ ڟَرٜىٰ مُتُنْثِنَبَ؞
6
إِنَ نَاثٜىٰوَ عَكَنْ أَدَلْثِنَ، بَذَنْ سَكٜىٰ شِيبَ؞ أَ دُكَنْ ݣُونَكِنْ رَيْنَ، ذُوثِيَاتَ بَتَ تَٻَ كُنْيَتَرْ دَنِے بَ؞
7
«بَرِ مَيْڧِينَ يَشَا حُكُنْثِ كَمَرْ مُوغُ، وَنْدَ يَتَاشِ غَابَادَنِے كُمَ عَكَوَرْ دَشِ كَمَرْ مَرَرْ أَدَلْثِے؞
8
وَثٜىٰ سَا ذُوثِيَا تَكٜىٰ غَ مَرَسَ ڟُواْرُوانْ اللَّهْ ، سَعَدَّ اللَّهْ يَكَوَرْدَشِ، يَطَوْكٜىٰ رَنْسَ؟
9
سَعَدَّ وَهَلَ تَڢَاطُواْ مَسَ، اللَّهْ ذَيْجِے كُوكَنْسَ؟
10
ذَيْجِے دَاطِے عَثِكِنْ مَيْ إِيكُواْ دُكَ كُوَ؟ كُواْ ذَيْ عِيَ كِرَا بِسَ سُونَنْ اللَّهْ عَكُواْوَنٜىٰ لُواْكَثِ؟
11
ذَنْ كُواْيَ مُكُ غَمٜىٰدَ إِيكُوانْ حَنُّنْ اللَّهْ ، بَذَنْ ٻُواْيٜىٰ مَنُڢَرْ مَيْ إِيكُواْ دُكَ بَ؞
12
أَيْ، دُكَنْكُ كُنْ‌غَنِ دَ كَنْكُ، مٜىٰيَسَا كُنَ ڢَطِنْ مَغَنْ‌غَنُنْ بَنْظَ حَكَ؟
13
«وَنَّنْ شِينٜىٰ رَبُوانْ مُوغُنْ مُتُمْ دَغَ وُرِنْ اللَّهْ ، غَادُوانْ دَ مَرَسَ تَوْسَيِ سُكٜىٰ كَرْٻَ كٜىٰنَنْ دَغَ وُرِنْ مَيْ إِيكُواْ دُكَ ؞
14
كُواْ دَ يَكَسَنْثٜىٰ دَ یَیَ دَيَوَ أَنْڧَدَّرَ سُونٜىٰ غَ تَكُواْبِے، ذُرِيَرْسَ كُوَ بَذَاسُسَامِ إِسَشّٜىٰنْ عَبِنْثِبَ؞
15
یَیَنْ مُوغُ وَطَنْدَ سُكَ ڟِيرَا، بَلَعِ ذَيْ كَشٜىٰسُ، مَتَنْ یَیَنْ كُوَ بَذَاسُيِ مَكُواْكِنْ مُتُوَرْسُبَ؞
16
كُواْ دَ يَتَتَّارَ أَظُرْڢَا كَمَرْ تُلِنْ يَشِ، يَكُمَ تَارَ رِيغُنَ كَمَرْ ڧَسَا،
17
ذَيْ عِيَ تَتَّارَ وَطَنَّنْ، عَمَّا مَيْ أَدَلْثِے نٜىٰ ذَيْسَاسُ، مَرَرْ لَيْڢِے نٜىٰ ذَيْ رَرَّبَ أَظُرْڢَنْ؞
18
غِدَنْ دَ مُوغُ يَغِنَ كَمَرْ سَاڧَرْ غِذُواْ غِذُواْ نٜىٰ، كَمَرْ طَنْ طَاكِنْ مَيْغَادِ أَغُواْنَرْ إِنَبِے؞
19
مُوغُ ذَيْ ݣُونْتَ ثِكِنْ أَرْزِڧِنْسَ، عَمَّا نَنْ غَبَ بَذَيْ كَسَنْثٜىٰ حَكَبَ، دَ يَبُوطٜىٰ عِدُواْ أَرْزِڧِنْ يَا رِغَا يَا ٻَثٜىٰ؞
20
رَظَنَ تَشَا كَنْسَ كَمَرْ أَمْبَلِيَرْ ضُوَ، أَدَرٜىٰ طَيَ كُمَ إِسْكَ تَڢِظْغٜىٰشِ؞
21
إِسْكَرْ غَبَسْ تَڢِظْغٜىٰشِ يَٻَثٜىٰ، تَاكَاوَرْ دَشِ دَغَ وُرِنْ ذَمَنْسَ؞
22
تَمُرْطٜىٰشِ بَا تَوْسَيِ، يَيِڧُواْڧَرِ يَغُدُ دَغَ ڧَرْڢِنْتَ،
23
عَمَّا تَيِتَبِنْسَ دَ ڧَارَ مَيْ ڧَرْڢِے، تَكُواْرٜىٰشِ دَغَ وُرِنْسَ ثِكِنْ بَعَ؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula