|
| 1 |
|
| Kag sa liwat nagpadayon sa paghambal si Job: |
|
| 2 |
|
| Nagapanumpa ako sa Dios nga buhi kag Makagagahom, nga wala nagahatag sang akon kinamatarong kag nagapapait sang akon kabuhi, |
|
| 3 |
|
| tubtob nga ginahatagan pa ako sang Dios sang ginhawa, |
|
| 4 |
|
| ang akon mga bibig indi gid magmitlang sang bisan ano nga malaut, kag ang akon dila indi gid maghambal sing butig. |
|
| 5 |
|
| Indi gid ako magsiling nga kamo husto, tubtob nga buhi pa ako magapamilit gid ako nga wala ako sing sayop. |
|
| 6 |
|
| Indi gid ako mag-ako nga ako may sala, matinlo ang akon konsensya. |
|
| 7 |
|
| Kabay nga ang tanan nga nagasumpong kag nagpakig-away sa akon pagasilutan kaangay sang mga malaut kag indi matarong nga mga tawo. |
|
| 8 |
|
| May paglaom bala sa indi diosnon nga mga tawo sa tion nga kuhaon na sang Dios ang ila kabuhi? |
|
| 9 |
|
| Kon ang kagamo mag-abot, magapamati bala ang Dios sang ila mga pagpanawag? |
|
| 10 |
|
| Ang kalipay nga ginahatag sang Dios nga Makagagahom amo kuntani ang ila handumon, kag magpangamuyo sila kuntani sa iya sa tanan nga tion. |
|
| 11 |
|
| Ipakita ko sa inyo kon daw ano kadako ang gahom sang Dios, kag isaysay ko kon ano ang plano sang Dios nga Makagagahom. |
|
| 12 |
|
| Pero indi na kinahanglan, kay kamo mismo nakakita sini. Gani ngaa nagahambal kamo sing binuang? |
|
| 13 |
|
| Amo ini ang paagi sang Dios nga Makagagahom sa pagsilot sang malaut kag mapintas nga mga tawo. |
|
| 14 |
|
| Ayhan may madamo sila nga mga anak nga lalaki, pero sila tanan mapatay sa inaway, ang ila mga anak ginakulang sing kalan-on. |
|
| 15 |
|
| Ang makaluwas mapatay sa balatian, kag bisan ang ila mga balo indi magpangalisod sa ila kamatayon. |
|
| 16 |
|
| Ang malaut ayhan may pilak nga indi maisip, kag may mga bayu nga sobra sa kinahanglanon. |
|
| 17 |
|
| Pero ang maayo nga tawo ang magabayu sini, kag ang matarong nga tawo amo ang magakuha sang pilak. |
|
| 18 |
|
| Ang malaut nagapatindog sang mga balay nga kaangay sang lawa sang damang, ukon kaangay sang hayubhayob sang ulipon nga nagabantay sang mga talamnan. |
|
| 19 |
|
| Sa katapusan nga tion magatulog sila nga manggaranon pa, pero sa pagmata nila masapwan nila nga imol na sila. |
|
| 20 |
|
| Ang kakugmat magaabot kaangay sang hinali nga baha, ang hangin sa kagab-ihon magapalid sa ila, |
|
| 21 |
|
| ang salatan magapalid sa ila gikan sa ila mga ilistaran, |
|
| 22 |
|
| magahuyop ini sa ila nga wala sing luoyluoy, samtang nagatinguha gid sila sa pagpalagyo. |
|
| 23 |
|
| Ang hangin nagabagrong sa pagyaguta sa ila samtang nagadalagan sila, nga nagapakugmat sa ila sang iya makahalalit nga kusog. |
|
|
|
|