|
| 1 |
|
| Yɛlimaŋli, bɛ ni gbiri anzinfa luɣ’ shɛli beni, ka bɛ ni doori salima luɣ’ shɛli beni. |
|
| 2 |
|
| Tiŋgban’ ni ka bɛ gbiri yihiri kuriti, ka nyɛligiri tahiʒiɛɣu mi kuɣa ni. |
|
| 3 |
|
| Saliŋgbiriba zaŋdi bɛ firilanima n-nyandi zibisim tiŋgbani puuni, ka gbiri chani bɛ ni ni tooi paai luɣ’ shɛli tariga m-bɔri tahiʒiɛɣu kuɣa bumbɔn’ ni. |
|
| 4 |
|
| Bɛ gbila bɔɣili kpe tiŋgban’ ni katiŋa, ka di mini ninsalinim’ ni be shɛli waɣa, ka sochandiba bi mi bɛ yɛla. Bɛ yilila mihi zuɣu m-be katiŋa laana. |
|
| 5 |
|
| Tiŋgbani dina, bindirigu n-yiri di ni na, amaa tiŋgbani puuni din’ ŋmanila buɣim din diri binyara. |
|
| 6 |
|
| Safaya kuɣa be tiŋgbani puuni, ka salima be di taŋkpazim ni. |
|
| 7 |
|
| Noombihi bɛn gbahiri binnɛma dira bi mi di soli ni be shɛli, ka suligu nini na ʒi n-nya li. |
|
| 8 |
|
| Mɔɣu ni biŋkɔb’ shɛb’ bɛn mali karimbaani na ʒi n-dol’ li, ka gbuɣinli gba na ʒi n-dol’ li. |
|
| 9 |
|
| Ninsalinim’ wurindi chɛribo kuɣa, ka lɛbiri zoya sɔŋda. |
|
| 10 |
|
| Bɛ gbiri kɔsoya tampima ni, ka bɛ nina nyari binviɛla kam. |
|
| 11 |
|
| Bɛ vihiri mɔɣa piligu shee n-yihiri binshɛŋa din sɔɣiya palo ni. |
|
| 12 |
|
| Amaa ya polo ka nir’ lee yɛn bɔ n-nya yɛm? Ka luɣ’ dini ka baŋsim be? |
|
| 13 |
|
| Ninsalinim’ bi mi bɛ ni yɛn doli so’ shɛli paai li. Di ka ninvuɣ’ nɛma ni be luɣ’ shɛli. |
|
| 14 |
|
| Kɔbulli yɛliya, ‘Di ka n ni,’ ka teeku yɛli, ‘Di ka n sani.’ |
|
| 15 |
|
| Nir’ ku tooi zaŋ salima da li, ka nir’ ku tooi zaŋ anzinfa buɣisi di daa. |
|
| 16 |
|
| Nir’ ku tooi zaŋ Ofiri salima bee kuɣ’ viɛl’ shɛŋa bɛ ni booni oniɣisi la bee safaya buɣisi li. |
|
| 17 |
|
| Nir’ ku tooi zaŋ salima mini diɣi buɣisi li bee nir’ ti zaŋ li taɣi salima din viɛli yɛri. |
|
| 18 |
|
| Nir’ ku tooi zaŋ kuɣ’ viɛl’ shɛŋa bɛ ni booni kɔral bee kirisital la buɣisi li. Yɛm liɣiri gari yɛri liɣiri. |
|
| 19 |
|
| Nir’ ku tooi zaŋ Itiɔpia kirisolait la buɣisi li, ka nir’ mi ku tooi zaŋ salima alali buɣisi li. |
|
| 20 |
|
| Dindina ka ya polo ka yɛm lee yirina? Ka ya polo ka baŋsim lee be? |
|
| 21 |
|
| Di sɔɣiya ka chɛ binnɛma zaa nina, di limsiya ka chɛ noombihi bɛn be zuɣusaa. |
|
| 22 |
|
| Bahiyoli mini kum yɛliya, ‘Ti tiba daa wum di ŋumaŋuma.’ |
|
| 23 |
|
| Naawuni m-mi di shee, ka mi di soli ni be shɛli. |
|
| 24 |
|
| Dama ŋuna n-yuuni dunia tarisi, ka nyari binshɛɣukam din be sagbana tiŋli. |
|
| 25 |
|
| Saha shɛli o ni daa zali pɔhim di tibisim ni yɛn nyɛ shɛm, ka buɣisi kom tariga ni yɛn nyɛ shɛm la, |
|
| 26 |
|
| saha shɛl’ o ni daa zali saa ni yɛn miri shɛm, ka zali saa nyaɣisibu ni yɛn chani shɛm la, |
|
| 27 |
|
| di saha ka o daa nya yɛm ka kahigi li, ka zal’ li, ka bo n-yihi li na. |
|
| 28 |
|
| Ka o daa yɛli daadamnima, “Yɛlimaŋli, Naawuni zɔbo n-nyɛ yɛm ka tuumbiɛri chɛbu mi nyɛ baŋsim.” |
|
|
|
|