×

Biblia Ande Chib Romani 2018

Job 28

1
Si bunaria kai ikandol lendar o rup, ta si thana kai chiston o sunakai.
2
O sastri ikanen le katar o prajo, ta katar e barra bilaven e jarkuma.
3
O manusa thoda villelo ando truniariko, ta dikhen orta sar si e barra ando truniariko ta ande senka e merimaki.
4
Anaven e phuv pe thana puste, thana kai si bristarde, kote kai niko ni phirel, umblade miskonpe dur katar ogola manusa.
5
Katar e phuv likel o marrno, a telal si amime sargo ande iag.
6
Si thana kai lenge barra si vunete ta leko prajo sunakuno.
7
Droma kai e chiriklia nikada ni dikhle, ni e chiriklia kai jan o mas,
8
Nikada ni ustade len zivirinia dive, ta nikada ni nakhlo kotar iek liono.
9
O manus thoda po va po bar zuralo ta cherda burkania andre ande burdura.
10
Putarel dromorra ande barra, ta dikhle o mai baro barvalipe.
11
Achada o pai katar biandol, ta cherda te dikhol so saia gurudino.
12
A ¿Kai ka maladol o llanglipe? ¿Kai si o than katar o bizaipe?
13
Ni llanel gachin mol le, ta ni maladol pe phuv kai zivi.
14
E jar phenel: Mande inai, ta e mora phenda: Ni mande inai.
15
Nasti de o sunakai te le o bizaipe, ni e tolaria rupune te chine le.
16
Nasti mol le so mol o sunakai katar o Ofir, ni so mol o barr kalo ta o vuneto.
17
Nasti avel sargo o sunakai ta o barr kai klichil, ni te lele pe mai kuch ezgode sunakune.
18
Ni mol len ni e barra e morake ni e klea, soke o bizaipe si mai lacho neko e barra mai kuch.
19
Ni ka avel sargo o bizaipe ni o topasio katar e Etiopia, ni o sunakai mai kuch.
20
Te si gia, ¿Katar ka avel o llanglipe? ¿Ta kai si o than katar o bizaipe?
21
Soke gurudino si suakone manuseke, ta suakone chirikliake kai furial.
22
E zatrania ta o meripe phende: Asundam letar kai si pinllardo.
23
O Del llanel leko drom, ta llanel kai si leko than.
24
Soke vou dikhel suako than katar e phuv, ta dikhel sa so si telal katar o miloso.
25
Kana cherda te avel la pharipe e balav, ta kana llinda e paia,
26
kana dia iek zakono e bursindeke, ta cherda te avel la drom o girmipe,
27
ondaka dikhla kai o bizaipe sai kote, lacharda le ta sikada le.
28
Ondaka phenda e manuseke: Te de liubao e Devle gua si o llanglipe, ta te iri tut katar o bilachipe si o bizaipe.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes