×

أَتَّوْرَتْ دَ أَنَّبَاوَا 2020

Ayuba 30

1
«عَمَّا يَنْذُ، مَاسُ يِمِنِ رٜىٰنِ سُونٜىٰ وَطَنْدَ دَ نَغِرْمٜىٰسُ وَطَنْدَ إِيَايٜىٰنْسُ مَا أَبِنْ رٜىٰنِ نٜىٰ أَغَرٜىٰنِ، بَنْ كُوَ يَرْدَ سُتَيْمَكِ كَرْنُكَ سُيِ كِيوُانْ غَرْكٜىٰنَبَ؞
2
وَثٜىٰ رِيبَ ذَنْ سَامُ دَغَ ڧَرْڢِنْ حَنُّوَنْسُ سُو وَطَنْدَ ڧَرْڢِنْسُ يَا رِغَا يَا ڧَارٜىٰ؟
3
سَبُواْدَ رَشِ دَ ڟَنَنِنْ يُنْوَ، سُنَ تَكَيْوَ دَ كَٰوُاْوَ نٜىٰمَنْ عَبِنْثِ عَبُوسَشِّيَرْ ڧَسَا دَ كُمَ ثِكِنْ دَاجِ؞
4
سُنَ طِبَ غَنْيَيٜىٰنْ دَاجِ مَاسُ طَاثِ سُثِ، جِجِيُواْيِنْ عِتَتُوَنْ دَاجِ عَبِنْثِنْسُ نٜىٰ؞
5
عَكَ كُواْرٜىٰسُ دَغَ ثِكِنْ أَلْعُمَّ، عَكَيِ تَبِنْسُ دَ إِيهُ كَمَرْ يَدَّ عَكٜىٰيِ وَٻَرَوُاْ؞
6
عَݣُورُرُوَ سُكٜىٰ ذَمَ، سُنَ ذَمَ أَ رَامُكَنْ ڧَسَا، دَ كُواْڠُونِّنْ دُوَڟُو؞
7
عَثِكِنْ ڧأَنَانً عِتَتُوَنْ ڧَيَ أَدَاجِ سُكَنْيِ كُوكَا كَمَرْ جَاكِ، عَڧَرْڧَشِنْ عِتَتُوَنْ ڧَيُواْيِ سُنَ مَنّٜىٰوَ جُونَ؞
8
سُو وَوَيٜىٰنٜىٰ مَرَسَ سُنَ، دَ بُلَلَ عَكَ كُواْرٜىٰسُ دَغَ ڧَسَرْ؞
9
«يَنْذُ نَذَمَ أَبِنْ مِصَالِ أَغَرٜىٰسُ، نَذَمَ مُسُ أَبِنْ دَارِيَا؞
10
سُنَ ڨَمَاتَ، سُنْ وَارٜىٰ كَنْسُ دَغَ غَرٜىٰنِ، حَرْ مَا دَ تُواْڢَ مِنِ مِيَوْ؞
11
تُنْدَ اللَّهْ يَكَرْيَ كِبِيَ دَ بَكَنَ، يَكُمَ ڧَسْڧَنْتَرْ دَنِے، بَ ضُوَنْسُ دَ كَمٜىٰ كَنْسُ أَغَبَنَ؞
12
أَ حَنُّنْ دَامَنَ، یَنْ تَادَ ظَوْنٜىٰ ڟَيٜىٰ سُنْ تَاسُواْ مِنِ، سُكَ كُواْرٜىٰنِ، سُكَ شِرْيَ حَنْيَرْ هَلَّكَرْ دَنِے؞
13
سُنْ يَنْكٜىٰ حَنْيَتَ دُواْمِنْ كَدَ إِنْڟِيرَا، سُنْيِ إِيَاكَرْ ڧُواْڧَرِنْسُ سُهَلَّكَ نِے، بَاسَ بُڧَاتَرْ تَيْمَكُوانْ وَنِ؞
14
سُكَ ڢَاطُواْ مِنِ، سَيْ كَثٜىٰ ضُوَ يَٻَرْكٜىٰ دَغَ دَمْ، عَتَوُرِنْدَ يَڟَٰغٜىٰ، سُكَ غَنْ‌غَرُواْ عَكَيْنَ؞
15
رَظَنَ يَكٜىٰوَيٜىٰنِ، سُكَ كُواْرِ دَرَجَتَ كَمَرْ دَ إِسْكَ، ظَرَڢِنْ ثٜىٰتُواْ يَٻَثٜىٰ كَمَرْ غِرْغِجٜىٰ؞
16
«يَنْذُ ڢَا أَنْثِرٜىٰ رَيْنَ دَغَ ثِكِنَ، ݣُونَكِنْ عَذَابَ سُنْ شَا كَيْنَ؞
17
دَرٜىٰ يَنَنَّطٜىٰ ڧَسُسُوَنَ، ذَاڢِنْ عَذَابَرْ دَيَكٜىٰ ثِنْيٜىٰنِ بَيْ ڟَيَبَ؞
18
اللَّهْ يَثَڢْكٜىٰنِ أَ رِغَاتَ، يَشَڧٜىٰنِ حَرْ بَنْ عِيَ حَطِيٜىٰ مِيَوْبَ؞
19
اللَّهْ يَجٜىٰڢَرْ دَنِے عَثِكِنْ لَاكَ، نَذَمَ كَمَرْ ڧُورَا دَ تُواْكَ؞
20
«يَا اللَّهْ ، نَيِ كِرَا غَرٜىٰكَ، كَڧِ كَأَمْسَ مِنِ، نَتَاشِ ڟَيٜىٰ، كَظُبَ مِنِ عِدُواْ كَوَيْ؞
21
كَيْ كَا جُويَا كَا ذَمَ مَرَرْ تَوْسَيِ أَغَرٜىٰنِ، دَ ڧَرْڢِنْ حَنُّنْكَ كَڟَنَنْتَ مِنِ؞
22
كَا طَوْكٜىٰنِ كَسَا نِے ثِكِنْ غُوغُوَ، كَيِ تَلِلُواْ دَنِے عَثِكِنْ رُورِنْ غُوغُوَرْ؞
23
حَڧِيڧَ، نَسَنِ ذَاكَكَيْنِ غَ مُتُوَ، غَ غِدَنْ دَ عَكَ ڧَدَّرَ وَكُواْوَنٜىٰ مَيْ رَيْ؞
24
«أَشٜىٰ، وَنْدَ يَكٜىٰ غَبْ دَ ڢَاطُوَ بَذَيْ مِيڧَ حَنُّنْسَبَ؟ وَنْدَ يَكٜىٰ ثِكِنْ مَسِيڢَ، بَيْ ذَيْ يِكُوكَنْ نٜىٰمَنْ تَيْمَكُواْ بَ؟
25
«أَشٜىٰ، نِے بَنْيِ كُوكَا دُواْمِنْ وَنْدَ يَكٜىٰ شَنْ وَهَلَبَ؟ رَيْنَ بَيْيِ بَڧِنْ ثِكِ دُواْمِنْ مَاسُ بُڧَاتَ بَ؟
26
عَمَّا سَعَدَّ نَسَا ذُوثِيَا غَ أَلْحٜىٰرِ، سَيْغَا مُغُنْتَا، سَعَدَّ نَكٜىٰسَا رَيْ غَ غَنِنْ حَصْكٜىٰ، سَيْغَا دُهُ؞
27
ذُوثِيَاتَ تَدَامُ، بَتَ ݣُونْتَبَ، ݣُونَكِنْ وَهَلَ سُنْ أَوْكُواْ مِنِ؞
28
ڢَتَرْ جِكِينَ تَيِ بَڧِ، عَمَّا بَ دُواْمِنْ ذَاڢِنْ رَانَبَ، نَڟَيَ أَغَبَنْ تَارُوانْ جَمَعَ، إِنَ كُوكَنْ نٜىٰمَنْ تَيْمَكُواْ؞
29
نَذَمَ طَنْعُوَنْ كَرْنُكَنْ دَاجِ، نَكُمَ ذَمَ أَبُواْكِنْ جِمِنُ؞
30
ڢَتَرْ جِكِينَ تَجُويَا بَڧِ، تَنَ ٻَرٜىٰوَ دَغَ جِكِينَ، ڧَسُسُوَنَ سُنْ ڧُواْنٜىٰ دُواْمِنْ ذَاڢِنْ؞
31
غَرَايَتَ تَنَ عِيَيِنْ وَاڧَرْ مَكُواْكِ كَوَيْ، سَرٜىٰوَتَ كُمَ تَذَمَ مُرْيَرْ مَاسُ كُوكَا؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula