|
| 1 |
|
| “Kä kɛn täämɛ yɔaŋkɛ ɣä, kɛn nɛy ti kuiy nikɛn kä ɣä, ti dëë gua̱nikiɛn jak kä yiëën deetkä kɛɛl kɛ jio̱o̱k tin la yien kɛ. |
|
| 2 |
|
| Kä ɛŋu mi dëë jek kä buɔ̱mdiɛn, kä kɛ nɛy ti thil lua̱ŋ? |
|
| 3 |
|
| Kä kɛn kɛ can ti näk buɔthkɛ ti wa go̱r ni thär juaacni ti ci kööt kɛ wäär rɛy dɔar. |
|
| 4 |
|
| Kä la guɔ̱thkɛ ni woor kɛnɛ ji̱th kɛɛc, kä cam kɛn ni lɛw dɔaar. |
|
| 5 |
|
| Kä ca kɛ kon ɛ nɛɛkiɛn, rɔal naath kɔɔriɛn ce̱tkɛ mi kɛ kuëël. |
|
| 6 |
|
| Kä ciɛŋ kɛn ni rɛy kɔ̱a̱kni, rɛy ɣo̱tni piɛny kɛnɛ pääm. |
|
| 7 |
|
| La wieekɛ rɛy ruɔ̱ɔ̱p ce̱tkɛ muɔ̱li, kä duɔ̱ɔ̱lkɛ rɔ̱ thäri jiɛn. |
|
| 8 |
|
| Kɛ nɛy ti jiäk ti thil kɛ̈k ca kɛ juɔc raar muɔ̱nikiɛn. |
|
| 9 |
|
| “Kä täämɛ kɛ̈tkɛ ni ɣä ɛ kɛn kɛ diit, kä lat kɛn ni ɣä ala cäät kä kɛ. |
|
| 10 |
|
| Ci kɛn ɣä cany, kä cikɛ rɔ̱ nɔa̱a̱n kɛ ɣä, kä /cikɛ dual kɛ ɣöö ŋuɔ̱lkɛ ɣä ruɛy. |
|
| 11 |
|
| Kɛ ɣöö ci Kuoth ɣä jak kä ram mi nyua̱n mi thil buɔ̱m, a cikɛ rɔ̱ cu luɔ̱c ni ɣä. |
|
| 12 |
|
| Kä cu nɛy ti jiäk ɣä cu mak kui̱c cuëëc, kä cukɛ ɣä cu moc cambak mi nyoŋ ciökä, kä cukɛ ɣä cu göl rɛc. |
|
| 13 |
|
| Kä cukɛ duɔ̱pkä cu ga̱k, kä cukɛ ɣä cu däk, a thil ram mi cukɛ luäk. |
|
| 14 |
|
| Cukɛ cunh rɛc kɛ kam kal, la bäkɛ kɛ ɣöö ba ɣä ben däk. |
|
| 15 |
|
| Kä cua̱ cu dual ɛlɔ̱ŋ cu thiakdä cu jiɛɛn ce̱tnikɛ jiɔam, kä cu ria̱ŋdä cu jiɛɛn ce̱tnikɛ pua̱r. |
|
| 16 |
|
| “Kä ɛn täämɛ ci yiëëdä jiɛɛn rɛydä, ca ɣä naŋ ɛ ni̱n rikädä. |
|
| 17 |
|
| La ko̱o̱kɛ cɔ̱wkä kɛ wäär, la ko̱o̱kɛ kɛ a thil lɔ̱a̱ŋ. |
|
| 18 |
|
| Cuɛ ɣä käp nikɛ luɔ̱tdä, cuɛ ɣä tho̱t nikɛ ŋuäk lutädä. |
|
| 19 |
|
| Ɛn Kuoth cɛ ɣä yuɔr ni rɛy tua̱a̱k, cua̱ cu ce̱tnikɛ tup kɛnɛ ŋɛ̈th. |
|
| 20 |
|
| Kä cä ji̱ cɔl Kuoth kä /keni ɣä loc, kä cua̱ rɔ jiɛc kä /keni ɣä nɛn. |
|
| 21 |
|
| Kä curi luɔ̱c ni rɔ ɣä, curi ciɛŋ ni ɣä a jiäk kɛ buɔ̱mdu. |
|
| 22 |
|
| Kä curi ɣä pa̱l ɣöö lɔk jiɔamä curi ɣä jak kä wi̱elä rɛy thuɔ̱ɔ̱l. |
|
| 23 |
|
| Kä ɣän ŋa̱cä jɛ ɛn ɣöö bi ɣä näk, a bi ɣä naŋ guäth nɛɛni diaal. |
|
| 24 |
|
| “Kä cuɛ tekɛ ram mi ci wut ëë ci cuuc luäk, mëë go̱o̱rɛ luäk kɛ kui̱ nɛɛni tëë tekɛ riɛk. |
|
| 25 |
|
| Kä ɣän /ka̱n wiee kɛ kui̱ nɛɛni tëë tëë riɛk? Kä /ken lɔcdä ku jiath kɛ kui̱ cani? |
|
| 26 |
|
| Duundɛ ɣöö mi cä go̱r ni gɔɔy, bi ben ni jiääk, kä mi göörä ni buay, bi ben ni muuth. |
|
| 27 |
|
| Kä jiath lɔacdä thilɛ jɛ pek, kɛ ɣöö ni̱n riknikä rëpkɛ ni rɔ̱. |
|
| 28 |
|
| Ɣän ja̱a̱lä ni muuth mi thil cäŋ, kä cä cuɔ̱ŋ rɛy dolä göörä luäk. |
|
| 29 |
|
| Kä cua̱ ce̱tnikɛ guɔɔr kɛnɛ wuɔ̱t. |
|
| 30 |
|
| Cua̱ rɔɔl a bä cuɔl ɛ cuc kɛ juey. |
|
| 31 |
|
| Kä cu tɛ̈th lɔaacdä rɔ loc ni jiath lɔaac, kä cu kuewdä rɔ loc ni jɔw nɛɛni ti pär. |
|
|
|
|