×

Biblia Ande Chib Romani 2018

Job 32

1
Gala trin llene ni phende niso ios angla o Job
2
soke dikhle kai vou saia chacho.
3
Ta o Job jolailo zurale pe pe trin amal soke dosarde le, a ni llanela so ka phenel lenge.
4
A o Eliu aduricharda te denpe orba soke von sea mai purane letar.
5
A kana o Eliu dikhla kai gola trin llene ni phenena niso, jolailo surale.
6
Ondaka o Eliu chavo katar o Barakel busita phenda: Me sem terno, a tumen sen phure, ta darailem te phenav tumenge so misliu man.
7
Me phenava: E llivesa ka den orba ta e bare bursa ka phenen o bizaipe.
8
A o vreme si sargo e balav e manuseke, soke o duo e Devleko si kai bizarel e mamuse.
9
Inai bizai gola kai si mai purane, ta ni e phure ni acharen so si orta.
10
Goleke phendem: Asunen man, i me ka phenav so llanav.
11
Llik kate asundem tumare orbe, ta asundem so phenen, ta sar tumen rodena e alava.
12
Me akha sea pe tumende, a niko tumendar nasti cherel te sikol o Job ta te den leke anglal pe so vou puchel.
13
Te na phenen tumen kai sen bizai ta kai mai lache si te sikavel le o Del a na iek manus.
14
A o Job ni puchla man niso, ta me ni ka phenav leke prema tumari orba.
15
Ni llanena so ka cheren ta ni llanena so ka phenen.
16
Me aduricharava te phenen vareso, a von achile ta ni phende niso ios.
17
Goleke i me ka dav mi orba soke i man si bizaipe.
18
Soke si man te phenav but orbe, ta mo lio sigarel man te phenavlen.
19
Mo lio si sargo e mol kai inai la katar te disil, ta pharrol sargo e morcha neve.
20
Goleke ka dav orba ta ka lav mange duo, ka putarav mo mui ta ka dav orba.
21
Ni ka dav orbe gugle te lav vareso, Soke ni ka rodav te achav lacho nikaia.
22
Me ni llanav te blagosiv e llenen, a te cheravale o Del ka zatrila man.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes