×

Ñandejara Ñe’ẽ 1996

35

1
Ndéve guarãpa, Job, Tupã omoañete vaerã umi eréva?
2
3
Ne niko ere Tupãme: “Mba'e piko ndéve che rembiapo vai ramo? Mba'épepa iporã ra'e chéve na che rembiapo vaíri hague?”
4
Péina che ha'éta ndéve ha ne irũ nguérape.
5
Ema'ẽ pe árare ha ehecha arai mba'éichapa ijyvate nde ári.
6
Nde reko ky'a ramo, upéva nombyaíri Tupãme; ne rembiapo vai hetárõ jepe, mba'eve nderejapói hese.
7
Ha nde reko porã ramo mba'eve nereme'ẽi chupe; nderejapói mba'eve hesehápe.
8
Yvypóra ndéicha guápe ombyai pe ne reko ky'a, ha chupe kuéra ombojerovia opa mba'e porã rejapóva.
9
Poguýpe ojejopy hague yvypóra osapukái, ha oheka umi poguasúgui oipe'a vaerã chupe kuéra;
10
ha ndohekái Tupã ijapoharépe, ku oporomombaretéva, pyhare pytũveháme,
11
ku ñane moaranduvéva tymba ha guyra kuéragui.
12
Osapukái ramo jepe Tupã nohendúi chupe kuéra, iñaña ha ijejapógui.
13
Tupã nohendúi japu. Pe ipu'akapáva ndojepy'apýi ijapúvare.
14
Nde ere: “Añe'ẽ Tupãme ha na che rendúi, aha'arõnte hína.”
15
Ko'ágã, Tupã ndaipochýigui ha noporonupãigui, noma'ẽigui hembiapo vaívare,
16
nde reñe'ẽ rei hína, Job, reñe'ẽ heta ha ndeeréi mba'eve!
Guarani Bible 1996
Guarani DC Bible Sociedad Bíblica Paraguaya, 1996
:
Guardar notas