×

Ika Bible 2018

Jobu 35

1
Ẹlihu nọzị sị,
2
“Ọ hụghọ ị mma ẹnya? Ịyụ sị, ‘Ẹka m rị ọchan ebe Osolobuẹ rị.’
3
Ị hụzị a sị, ‘K'ọ wụdẹ ebe ị rị omẹni m te mẹ njọ? Ele erere kẹ ịrị-ọchan bannị m?’
4
M k'a shịarị kẹ ịyụ kẹ ndị ọwụ ị.
5
Lee ẹnya igwere n'ị hụn; bu ẹnya zinmẹ orukpu igwere hụn jẹnnahịn ị elu.
6
Ị sị nị njọ k'i k'e mẹ, k'o k'e mẹ Chuku? Ọsụọn'a n'ị rị e mẹ ẹ e mẹkwasị, k'o k'e mẹ ẹ?
7
Omẹni ị rị e bi kẹ o dọn chọ — k'i rị e gi ẹ e ye ẹ? K'ọ rị e nwọnhẹn ẹka ị?
8
Ịhịan nọ kẹ ịyụ sụọ kẹ njọ ị e mẹtụ; Ịhịan sụọ kẹ mma e mẹtụ.
9
“Ịhịan a kwan okokoko omẹni wẹ rị a bịangbu wẹ; w'a kwanzị nị wẹ zụọpụha wẹ ẹka ndị ka wẹ ẹka.
10
Kanị onwọnni onyẹ a sị, ‘Elebe kẹ Osolobuẹ keni m rị? Elebe kẹ onyẹ hụn e ye ịhịan ẹbụ imẹ abalị rị?
11
Onyẹ hụn a kuzi ẹnyi karị k'o dọn a kuzi anụmanụ, e mẹ ẹnyi e nwọn uche karị nnụnụ.’
12
Ya haịn o gilẹni a za wẹ, wẹ gha a kwanghọsị a — makẹni wẹ rị a pache rịkẹ ndị njọ ahụn wẹ wụ.
13
Ẹkwan nwọnlẹni isi rọ, Chuku ara gọn ẹ ntịn; Onyẹ Nwọn Ikẹn Ile ara feyedẹ ẹ ẹnya.
14
Ọrịwụzị ịyụ hụn rị e kin nị y'a marịn ẹfọ a, nị ẹka a k'ọ rị nwan, nị ị hụ e che ẹ!
15
Y'e kuzighọ nwan nị, onwọnni ihiẹn o mẹ ịhịan — n'o nwọndẹni ihiẹn ọ kpọ eje-omumẹ.
16
Ya wụ, onwọnni nwan ihiẹn nwọn isi Jobu rị e ku; onwọnni ihiẹn ọ marịn, ọ rịhụ e ku ọtụtụ oku.”
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes