|
| 1 |
|
| Eye Elihu ƒo nu yi dzi gblɔ bena: |
|
| 2 |
|
| Kpɔ asinyenu vie, eye mafia nu wò, elabena nya gali woagblɔ ɖe Mawu ŋu. |
|
| 3 |
|
| Mahe nye nunya tso adzɔge vɛ, eye matso na nye wɔla. |
|
| 4 |
|
| Elabena nytateƒee, alakpa mele nye nyawo me o, eye nunyala kpamkpam enye si le gbɔwò. |
|
| 5 |
|
| Kpɔ ɖa, Mawu lolo, eƒe nunya ƒe ŋusẽ tri akɔ, ke medoa vlo amea ɖeke o, |
|
| 6 |
|
| Menana ame vɔ̃ɖiwo nɔa agbe o, eye wòtsona na hiãtɔwo. |
|
| 7 |
|
| Meɖea eƒe ŋku ɖa le ame dzɔdzɔewo ŋu o, eye wònana wobɔbɔ nɔa fiawo gbɔ le fiazikpuiwo dzi ɖaa, ne woatsi kɔkɔƒe. |
|
| 8 |
|
| Ne wode kɔsɔkɔsɔ wo, eye wole hiã ƒe ka me la, |
|
| 9 |
|
| eɖea woƒe nuwɔwɔ kple woƒe dzidadawo fiaa wo, le esi wodo wo ɖokui ɖe dzi ta: |
|
| 10 |
|
| eʋua to na wo ɖe tohehe la ŋu hegblɔna be, woatrɔ tso woƒe nu vɔ̃ɖi wɔwɔwo me. |
|
| 11 |
|
| Ne woɖo to, eye wosubɔe la, ekema woawu woƒe ŋkekewo nu le dzɔgbenyuie me kple woƒe ƒewo nu le dzidzɔ me. |
|
| 12 |
|
| Ke ne womeɖo to o la, ekema woatsi aŋutrɔ nu, eye wo nu ayi le numanyamanya me. |
|
| 13 |
|
| Dɔmedzoe le dzi ta na eme vlowo, eye ne ede ga wo la, womeƒoa koko o, |
|
| 14 |
|
| ale be wokuna le ɖekakpui dzodzoe me, eye woƒe agbe nɔna abe matrewɔla tɔ ene. |
|
| 15 |
|
| Ke etsɔa hiã ɖea hiãtɔwoe, eye wòtsɔa xaxa nua to na woe. |
|
| 16 |
|
| Aɖe wò hã tso xaxa ƒe ve me ayi teƒe keke, afisi mexaxa o, eye nusiwo ava wò kplɔ̃ dzi la, ada ami nyanyanya. |
|
| 17 |
|
| Ke ne ame vɔ̃ɖi ƒe afiatsotso yɔ mewò fũ la, ekema afiatsotso kple tohehe adze dziwò. |
|
| 18 |
|
| Elabena dɔmedzoe megaflu wò nayi fewu ɖu ge o, eye tawòƒlega gbogboawo megakplɔ wò trae o. |
|
| 19 |
|
| Ɖe wò ɣli, si nèɖo le hiã me kple wò kutrikukuwo katã ate ŋu ade nane nua? |
|
| 20 |
|
| Zã si kplɔ dukɔwo ɖa le wo teƒe ƒiaƒiaƒia la, meganɔ dzrowòm o. |
|
| 21 |
|
| Kpɔ ɖokuiwò dzi nyuie! Megatrɔ ɖe yakanu ŋu o, elabena èlɔ̃a eya wu hiã. |
|
| 22 |
|
| Kpɔ ɖa, Mawu tsɔa eƒe ŋusẽ wɔa nu tsuwo; eye ameka nye nufiala abe eya ene? |
|
| 23 |
|
| Ameka ɖo eƒe mɔwo nɛ, eye ameka kpɔ mɔ agblɔ nɛ be: Ewɔ nu manyomanyo? |
|
| 24 |
|
| Ke boŋ ɖo eƒe nuwɔwɔ, siwo ŋu amegbetɔwo dzia ha le la, ɖe dzi! |
|
| 25 |
|
| Amegbetɔwo katã kpɔa dzidzɔ le eŋu, eye kodzogbea kpɔnɛ tsoa adzɔge. |
|
| 26 |
|
| Kpɔ ɖa, Mawu tri akɔ, mele nyanya me na mí o, eye eƒe ƒewo gɔmedidi meli o. |
|
| 27 |
|
| Elabena ehea tsi toŋtoŋwo yia dzii, eye eƒe afuwo dzaa tsi, |
|
| 28 |
|
| woɖuɖuna tsoa alilikpowo me, eye wonyɔna ɖe ame geɖewo dzi. |
|
| 29 |
|
| Ɖe amegbelɔa ɖe nya, alesi wokekea alilikpowo me, kple alesi eƒe agbaɖɔ dzena kprrr… laea? |
|
| 30 |
|
| Kpɔ ɖa, ekeke kekeli ɖe eɖokui dzi, eye wòtsɔ afu, si ɖo tso atsiaƒu me la, tsyɔ eɖokui dzi. |
|
| 31 |
|
| Elabena eya wòtsɔna hea to na dukɔwo, eye wònaa nuɖuɖu wo kpaekpaŋ. |
|
| 32 |
|
| Eɣla dzikedzo ɖe eƒe asiawo kple eve me, eye wòdɔe ɖa ɖe eƒe ketɔwo ŋu. |
|
| 33 |
|
| Eƒe gbeɖeɖe le boblo domi, eye eƒe dɔmedzoe le ŋu ʋãm ɖe nu vɔ̃ɖi wɔwɔ ŋu. |
|
|
|
|