|
| 1 |
|
| Elihu a iša pele a re: |
|
| 2 |
|
| A ko mpeele pelo ka gonyane ke go rute; go sa na le ditaba tša go emela Modimo. |
|
| 3 |
|
| Ke tliša tša kgole tše ke di tsebago, ke tiiše la gore Mmopi wa ka o lokile. |
|
| 4 |
|
| Gomme ruri dipolelo tša ka ga se tša maaka, o lebana le tsebo e se nago bosodi. |
|
| 5 |
|
| O tseba gobane Modimo ke yo mogolo, gomme ga a nyatše motho; ke yo mogolo yo maatla pelong. |
|
| 6 |
|
| Ga a phediše yo mobe; o nea babotlana tše di ba swanetšego. |
|
| 7 |
|
| Baloki ga a ba gerule, o ba dudiša le dikgoši, madulong a tšona ka mehla; o a ba godiša. |
|
| 8 |
|
| Ge ba tlemilwe ka ditshipi, ge ba golegilwe ka ditlemo tša mahloko, |
|
| 9 |
|
| ke gona ge a ba lemoša mediro ya bona, le dikarogo tša mola ba ikgodiša; |
|
| 10 |
|
| a ba thibolla ditsebe gore ba kwe tsholo, mme o ba botša gore dibe ba di lahle. |
|
| 11 |
|
| E tlo re ge ba kwa, mme ba mo hlankela, gona matšatši a bona a tlo tlala ba le go tše botše, nywaga ya bona e tlo ba ya tše monate. |
|
| 12 |
|
| Ge ba sa kwe, ba tlo wela marumong, ba felela ka go hloka tlhaloganyo. |
|
| 13 |
|
| Ba sekgoro dipelong ba dula ba ngadile; ga ba rapele le ge a ka ba tlema. |
|
| 14 |
|
| Meoya ya bona e hwa e sa le ba bafsa; bophelo bja bona bo hwa e le dihlotlolo. |
|
| 15 |
|
| Ge e le mohlaki o mo hlakodiša ka mohlako wagwe, o mo thibolla ditsebe ka ditlalelo. |
|
| 16 |
|
| Gomme le wena o tlo go ntšha ganong ga ditlaletšo, o tlo go tšweletša molaleng go se nago dipateletšo, meruswi ya gago ya tlala makhura. |
|
| 17 |
|
| Mme wena o sa tletše moahlolelo wa ba babe; ke tšona di go hlolelago kahlolo le kotlo. |
|
| 18 |
|
| A sekgoro se se go epiše; mme bogolo bia selefa bo se go hlanoše. |
|
| 19 |
|
| A o re o tlo kgona patikego ka dikolomelo, le ge o ka tsoša maatla ohle? |
|
| 20 |
|
| Se bitše bošego; bo tloša ditšhaba felo ga tšona. |
|
| 21 |
|
| Itote, gore o se arogele bokgopong, gobane o itlhaoletše bjona ka go lahla kgotlelelo. |
|
| 22 |
|
| O tsebe gobane Modimo mo go tše a di kgonago ga fihlelwe; o kae mokayena a kago mo ruta? |
|
| 23 |
|
| Ke mang e a kago mo laetša tsela, a mo rera a re: O fošitše? |
|
| 24 |
|
| Eleletša, o rete ditiro tša gagwe, tše batho ba di tumišago ka difela. |
|
| 25 |
|
| Batho bohle ba a di bogela; mme motho o di bone di le kgole. |
|
| 26 |
|
| Go bjalo, Modimo ke e mogolo; ga re mo hlaologanye; bokae bja nywaga ya gagwe ga bo latišege. |
|
| 27 |
|
| Ke yena a gogago marotholodi a meetse, a a rothiša, a etšwa meuwaneng ya gagwe. |
|
| 28 |
|
| A tšhologa a etšwa marung, a rothela batho ba bantši. |
|
| 29 |
|
| Gagolo go lemoga mang maru go alega, le modumo motšwamothopeng ya gagwe? |
|
| 30 |
|
| O ko bone, ge a atlatša seetša sa gagwe; o khurumetša medu ya lewatle. |
|
| 31 |
|
| Ge a ahlola ditšhaba ka tšona, o buša a di nea dijo tša tšona. |
|
| 32 |
|
| O swere tladi ka seatla, mme o e roma ya yo tia. |
|
| 33 |
|
| O goelelwa ke medumo ya gagwe, ge a tsoga a galefetša sebe. |
|
|
|
|