|
| 1 |
|
| Ang bagyo nagapakubakuba sang akon dughan. |
|
| 2 |
|
| Magpamati kamo tanan sa tingog sang Dios, sa daguob nga nagagikan sa iya baba. |
|
| 3 |
|
| Nagapadala sia sing kilat sa kalangitan, halin sa isa ka pamusod sang kalibutan pakadto sa isa. |
|
| 4 |
|
| Dayon ang daguhob sang iya tingog mabatian, ang gamhanan nga tunog sang daguob, samtang nagapadayon sa pagkirab ang kilat. |
|
| 5 |
|
| Sa mando sang Dios ang makatilingala nga mga butang nagakatabo, ang makatalanhaga nga mga butang nga indi naton mahangpan. |
|
| 6 |
|
| Ginamanduan niya nga ang yelo mag-ulan sa duta, kag nagapadala sia sang daw ginabubo lang nga ulan. |
|
| 7 |
|
| Ginapauntat niya ang mga bulohaton sang mga tawo, ginpakita niya sa ila ang iya sarang mahimo. |
|
| 8 |
|
| Ang mga sapat nga talunon nagakadto sa ila mga lungib kag nagapabilin didto. |
|
| 9 |
|
| Ang bagyo nagagikan sa bagatnan, kag ang nagapanalupsop nga katugnaw nagagikan sa aminhan. |
|
| 10 |
|
| Ang ginhawa sang Dios nagapatugnaw gid sang tubig, kag nagahimo sini nga matig-a nga yelo. |
|
| 11 |
|
| Ang kilat nagakirab sa mga gal-om, |
|
| 12 |
|
| kag nagalibot ini sa pagtuman sang kabubot-on sang Dios. Ginahimo nila ang tanan nga ginasugo sang Dios, bisan diin sa bug-os nga kalibutan. |
|
| 13 |
|
| Ang Dios nagapadala sing ulan sa paghatag sing tubig sa duta, ayhan sa pagsilot sang tawo, ukon sa pagpakita sang iya kaayo sa ila. |
|
| 14 |
|
| Job, maglinong ka sa malip-ot nga tion kag magpamati, talupangda ang makatilingala nga mga butang nga ginahimo sang Dios. |
|
| 15 |
|
| Nakahibalo ka bala kon daw ano ang paghatag sang Dios sang iya sugo kag kon ano ang pagpakirab niya sang kilat sa mga gal-om? |
|
| 16 |
|
| Nakahibalo ka bala kon daw ano ang paglupad sang mga gal-om sa langit, ang hinimuan sang makatilingala nga kinaadman sang Dios? |
|
| 17 |
|
| Wala ka makahibalo, kundi magaantos ka lamang sang kainit kon tingadlaw sa duta, sa tion nga maghuyop ang habagat. |
|
| 18 |
|
| Makabulig ka bala sa Dios sa paghumlad sang langit kag maghimo sini nga matig-a kaangay sang napahining nga espeho? |
|
| 19 |
|
| Tudloi kami kon ano ang isiling namon sa Dios. Blangko ang amon mga hunahuna, kag wala gid kami sing inughambal. |
|
| 20 |
|
| Indi ako magpangabay nga magpakighambal sa Dios, ngaa hatagan ko sia sing kahigayunan sa paglaglag sa akon? |
|
| 21 |
|
| Kag karon ang kapawa sa langit tama kasanag, masilaw nga indi kita makatulok sini, kag ang langit naghawan kay ang gal-om ginpalid sang hangin. |
|
| 22 |
|
| Ang isa ka bulawanon nga banaag makit-an sa aminhan, kag ang makasililaw nga kasanag sang Dios nagahatag sa aton sing kahadlok. |
|
| 23 |
|
| Ang Dios nga Makagagahom tama gid ka gamhanan nga indi kita makapalapit sa iya, matarong sia kag walay pinilian sa iya pagtratar sa mga tawo. |
|
| 24 |
|
| Gani indi katingalahan nga ang tanan nagatahod sa iya, kag wala niya ginasapaka ang nagasiling nga maalam sila. |
|
|
|
|