|
| 1 |
|
| “Kä kɛ ma̱a̱r jɔawdɛ, cuɛ lɔcdä lath, cuɛ ce̱tnikɛ mi bɛ käny raar guäthdɛ. |
|
| 2 |
|
| Liɛŋɛ jɔw ma̱a̱ri Kuɔth kɛnɛ gi̱r gi̱i̱r in bëë kä jɛ. |
|
| 3 |
|
| Kä cɛ yiel nhial jak kä thieeŋɛ pua̱a̱r, kä jäkɛ jɛ ni pekni ɣɔaa. |
|
| 4 |
|
| Kä kɛ kɔrɛ mi cɛ ku tɛ̈ny, bi ma̱rɛ min di̱i̱t ku ben kä mi cɛ yiel ci maarɛ lɛ cuɔ̱ŋ. |
|
| 5 |
|
| Kä jiööth ma̱a̱ri Kuɔth ga̱ykɛ naath, jɛn lätdɛ ti buɔ̱m buɔ̱ɔ̱m ti /canɛ dëë met ŋa̱c. |
|
| 6 |
|
| Kä cuɛ thäc jiök i̱, ‘Pɛni wi̱i̱ muɔ̱ɔ̱n’, kä jiökɛ nhiaal i̱, ‘Dɛmni ɛlɔ̱ŋ.’ |
|
| 7 |
|
| Kä cuɛ nɛy diaal ka̱p cuɔ̱ŋ lätnikiɛn, kɛ ɣöö bi nɛy diaal tin cɛ cak la̱tdɛ kulɛ ŋa̱c. |
|
| 8 |
|
| Kä cu ley wä duëlikiɛn kä cukɛ cu te ni rɛy ɣo̱tnikiɛn. |
|
| 9 |
|
| Kä cu ruɔth ben raar ni cieŋdɛ kä cu kɔ̱c ben kɛ jiɔam in put. |
|
| 10 |
|
| Kä kɛ yiëë Kuɔth cu pi̱w kɔ̱a̱c ɛlɔ̱ŋ, cu pi̱w diaal kɔ̱a̱c ɛlɔ̱ŋ. |
|
| 11 |
|
| Kä cuɛ pua̱a̱r thiäŋ kɛ pi̱w, kä cuɛ yiel nhial dääk kä thi̱n. |
|
| 12 |
|
| Kä cuɛ kɛ jak kä wi̱elkɛ wi̱i̱ muɔ̱ɔ̱n, kɛ ɣöö ba min cɛ la̱rkɛ la̱t. |
|
| 13 |
|
| Cuɛ pua̱a̱r ja̱k kɛ ɣöö ba naath tɔ̱ŋ kɛnɛ ɣöö bɛ mundɛ demikä, kɛ ɣöö bɛ nhökdɛ nyoth. |
|
| 14 |
|
| “Kä liŋ nɛmɛ lö I-yob, käp ni rɔ cuɔ̱ŋ, kä guic lät Kuɔth tin ga̱ykɛ naath. |
|
| 15 |
|
| Ji̱n ŋäci jɛ ruac Kuoth kɛ pua̱a̱r i̱di, kä jakɛ yiel nhialɛ kä riew? |
|
| 16 |
|
| Kä ŋäci jɛ ɛn min jak pua̱a̱r kä te nhial, kɛnɛ lätkɛ tin ga̱ykɛ naath ɛn ram in ŋäc ŋɔak, |
|
| 17 |
|
| kä näk leth ni ji̱ rɛy bieyniku mɔ put jiɔam in leth leth ɔ? |
|
| 18 |
|
| Kä deri jɛ wä luäk kɛ läth puɔ̱rä nhial, a bɛ buɔ̱m ce̱tnikɛ yiëëth mi ca coth? |
|
| 19 |
|
| Kä nyuthnikɔ mɔ bakɔ la̱t jɛ mɔ, kɛ ɣöö /cakɔ ruacda dëë luäŋ kɛ rialikä, kɛ ɣöö dak ŋäc ŋɔaanida. |
|
| 20 |
|
| Ɛ dee raan Kuoth ku thiec i̱ bɛ ruac kɛ jɛ? Kä dëë raan thiec kɛ ɣöö ba jɛ roc? |
|
| 21 |
|
| “Kä täämɛ thilɛ ram mi dee cäŋ di̱el guec mi cɛ lɛ̈p ɛlɔ̱ŋ, mi ca pua̱a̱r lɔk ɛ jiɔam a ci nhial a wi̱c wi̱c. |
|
| 22 |
|
| Kuoth la bëë kɛ kui̱c caam kɛ mac mi ce̱tkɛ da̱a̱p, la bëë kɛ buɔ̱m däkä mi di̱i̱t. |
|
| 23 |
|
| Ɛn Kuoth in leny buɔ̱mdɛ ti diaal nɔ̱a̱nɛ kɛ kɔn ɛlɔ̱ŋ, kä tëë kɛ buɔ̱m mi di̱i̱t, jɛn ɛ gua̱n cuŋni kɛnɛ thuɔ̱ɔ̱k, kä /cɛ naath luk kɛ baŋ. |
|
| 24 |
|
| Kɛ kui̱c ɛmɔ luth naath jɛ, kä /cɛ nɛy tin ɛ kɛn i̱ pɛl moc kɛ gua̱a̱th.” |
|
|
|
|