|
| 1 |
|
| Ya kẹ Osolobuẹ nọ gha imẹ okẹn ẹbi shịarị Jobu oku, sị: |
|
| 2 |
|
| “Onyẹ wụ hụnnị hụn rị e ku kẹ sị ọ marịnghọ uche m bụ ọ marịn ihiẹn ọ rị e ku. |
|
| 3 |
|
| Kwademẹ nwan nke okẹnnyẹ! M k'a jụ ị ajụjụ, y'a za m. |
|
| 4 |
|
| “Elebe k'ị rị kẹ m gbe iyetọ ụwa? Gwa m, omẹni y'a marịnka ihiẹn. |
|
| 5 |
|
| Onyẹ ku ebe o k'a shịaru lẹ ebe o k'e sueru? Y'a marịnghọ ọhụn nụ! Onyẹ gi eriri maa a? |
|
| 6 |
|
| Elu kịnị kẹ wẹ zuye ụkụ a? Onyẹ tumẹ ọmụma gin'ẹ? |
|
| 7 |
|
| K'ọ rị e mẹmẹ ẹ, kokisẹ-ụtụntụn ile hụ a bụ ẹbụ, ndị mmọn-ozi ile hụ e yi oro ịghọghọ. |
|
| 8 |
|
| Onyẹ kpọkin ohimin ye ogẹn o gi wapụha lekẹ nwa gha ẹfọ-nnẹ ẹ zụnkpọpụha? |
|
| 9 |
|
| Onyẹ kpọkin ohimin ye ogẹn m gi yimẹ ẹ orukpu kẹ wẹ e yimẹ nwa ọhụn ẹwuru, gi ẹkpa-ishi fụma a nọkẹ nwa ọhụn; |
|
| 10 |
|
| ogẹn ahụn m gi mẹmẹn'ẹ ebe o k'a gha a kụsị, buche ẹkwe ẹ lẹ ihiẹn m gi kpọkin ẹ ye; |
|
| 11 |
|
| ogẹn hụ m gi sị ohimin, ‘Ebeni k'i k'a gha a kụsị, y'a ghafekọ a; ebeni kẹ ẹbiri i ahụn a họnrọnnị k'a kụsị’? |
|
| 12 |
|
| “Y'a gwatughọ ụtụntụn ihiẹn o k'e mẹ? Y'a sịtughọ eki ya fọn, |
|
| 13 |
|
| n'ọ hụn ụzọ kwọndọn ọhịhị — ọhịhị hụn a rị elu-ụwa imẹ uhinhin; ukpẹ e kwọndọn ẹ ntịn ẹnịnọ, zinzin ẹ, eje-ndị warịnị a pụha ifọn? |
|
| 14 |
|
| Eki fọnmẹ, e leghama wẹ elu-ụwa k'ọ rịchanrịn lekẹ ụrụa wẹ biye ihiẹn; ihiẹn rịn'a a nị legha ọhụnma lekẹ ẹwuru rị e gbukeni; |
|
| 15 |
|
| eki hụn ukpẹ ẹ a napụ ndị-ejẹ eje-ukpẹ wẹ — ẹka wẹ te weshi elu nị wẹ mẹ ịhịan ihiẹn a kpagipụ. |
|
| 16 |
|
| Y'e rutughọ ebe ohimin gha a pụha? Y'e jẹntughọ ebe kachanrịn e mi imẹ ẹ? |
|
| 17 |
|
| A ghọsịtughọ wẹ i ọnụ-mgbọn alị-mmọn? Y'a hụntughọ ọnụ-mgbọn ebẹhụ kachanrịn ishi a gba? |
|
| 18 |
|
| Y'a marịnghọ ebe ile ụwa gha? Ku nwan, omẹni y'a marịnghọ wẹ ile! |
|
| 19 |
|
| Elee ụzọ kẹ wẹ gha e jẹn ebe ukpẹ bi? Elebe kẹ ishi nkẹ bi? |
|
| 20 |
|
| N'ị hụn ụzọ wejẹn wẹ ẹgbẹrẹ wẹ, marịnzịkwọ ụzọ wela wẹ iwe wẹ? |
|
| 21 |
|
| Ẹghẹẹ, y'a marịnghọ nụ, makẹni ịyụ dịan wẹ! O teọlẹ i ọda-ọda! |
|
| 22 |
|
| Y'a bantughọ ebe m'e dọnmẹ mirin oyi ọchan wụ sno hụn a kpụkpụrụnị mọbụ hụntu ebe m'e dọnmẹ ẹkwan-igwere — |
|
| 23 |
|
| hụn m'e butọ a kịpụha ogẹn nsọngbu, hụn m'e butọ a kịpụha ụhụọhịn agha lẹ ọgụn? |
|
| 24 |
|
| Elebe wẹ gha e jẹn ebe amụma nọ e bepụha? Elebe kẹ ufere ọwụwa ẹnyanwụn nọ e keyịya a ghagbama ụwa ile? |
|
| 25 |
|
| Onyẹ e beyeni mirin ote ọ gha e zue, e beyeni akpara ozue hụn ọ gha ẹbi kpọma, |
|
| 26 |
|
| kẹni mirin zueyedẹ alị ịhịan bilẹni, alị ọkpọ-nkụn ịhịan rịlẹni; |
|
| 27 |
|
| kẹni o zueye alị wiwini hụn gbachanrịn okpokoro, mẹ ẹfịfịa e pupụha? |
|
| 28 |
|
| Mirin e zueni e nwọnghọ nẹdi? Onyẹ mụ igirigi? |
|
| 29 |
|
| Ẹfọ onyẹ kẹ ọkpụkpụ-mirin a rị alị gha pụha? Onyẹ mụ ọkpụkpụ-mirin oyi a gha igwere e ziẹntu |
|
| 30 |
|
| hụn mirin gi e ze kẹ ọmụma, elu mirin a jụchanrịn oyi, ze ọda-ọda? |
|
| 31 |
|
| N'ị s'ẹka kẹngbama ọkụdụ kokisẹ wụ Pleyadẹsi? Ra n'ị s'ẹka tọpụ ihiẹn kẹngbama ọkụdụ okokisẹ wụ Oriọnụ? |
|
| 32 |
|
| N'ị s'ẹka e mẹ kokisẹ ichẹn-ichẹn a pụhasọnmẹ ogẹn wẹ? N'ị s'ẹka a kịpụha ọkụdụ okokisẹ wụ Biẹ lẹ ụmụ-ọkụdụ ndị ya lẹ wẹ wị? |
|
| 33 |
|
| Y'a marịnghọ iwu ichẹn-ichẹn a kị ihiẹn rị igwere? N'ị sa ẹka gi wẹ kị ihiẹn rị elu-ụwa? |
|
| 34 |
|
| N'ị s'ẹka gan orukpu rị igwere, mẹ okẹn-mirin zuekpu i? |
|
| 35 |
|
| N'i s'ẹka gwa amụma ebe o k'e jẹn, o jẹn, o jẹngụ ọ bịa d'a sị ị, ‘E lee m!’? |
|
| 36 |
|
| Onyẹ e mẹ obi e nwọn amamihiẹn? Onyẹ e mẹ obi e nwọn nghọta? |
|
| 37 |
|
| Onyẹ nwọn amamihiẹn hụn o gi gụn orukpu rị igwere? Onyẹ a sa ẹka e gbugemẹ ite-mirin rịsọnmẹ igwere nị mirin zue, |
|
| 38 |
|
| omẹni alị ze eze, omẹni alị mẹ kankankan? |
|
| 39 |
|
| “Ịyụ a chụnnị onyẹnnyẹ-ẹwọrọ nta, e yejun okoro-ẹwọrọ ẹfọ, |
|
| 40 |
|
| ebe wẹ makpuru imẹ okporo wẹ mọbụ ebe wẹ warị ọfịa e che ihiẹn w'e gburi? |
|
| 41 |
|
| Onyẹ e ye nnụnụ wụ uroko ihiẹn-oriri ebe ụmụ wẹ nọ a kwanghọsị Chuku mọbụ a wahunmẹ makẹni ihiẹn-oriri arịa? |
|
|
|
|