|
| 1 |
|
| “Y'a marịnghọ ogẹn ewu ọfịa bi elu ugu gi a mụ nwa? Y'e letughọ onyẹnnyẹ ele ebe ọ rị a mụ nwa a? |
|
| 2 |
|
| Y'a gụntughọ ifọn ole nwa a nọhan wẹ ẹfọ? Y'a marịnghọ ogẹn wẹ gi a mụ? |
|
| 3 |
|
| Ogẹn wẹ gi a makpuru a mụ ụmụ wẹ, imẹ rị e mẹni wẹ e bi; |
|
| 4 |
|
| Mmụ wẹ e sue, kara, imẹ ọfịa ebẹhụ, jẹnmẹ nke wẹ, w'ara kinhẹnzi. |
|
| 5 |
|
| Onyẹ mẹ jaki-ọfịa a kpahunmẹ? Onyẹ tọpụ a eriri? |
|
| 6 |
|
| Mmẹ bu ẹ che alị ọkpọ-nkụn biri, mẹ ẹ e bi ebe ẹfịfịa ghalẹni e sue. |
|
| 7 |
|
| Ọ mụ ụzụn ndị bi imẹ obodo ẹmụ — onwọnni onyẹ a kịn'a — ọrịwụzị iyin'ẹ oro. |
|
| 8 |
|
| Elu oke k'ọ nọ a chọ ẹfịfịa o ri, a chọhunmẹ ẹhụhụọ-oyiyi ọwụlẹ. |
|
| 9 |
|
| Nị okẹn-efin ọfịa kweri fe i kẹ nke ụlọ? N'ọ dịnọ ụlọ-anụ ị imẹ uhinhin? |
|
| 10 |
|
| N'ị s'ẹka kẹnmẹ ẹ gi ẹ dụkpọ alị-ugbo kẹ efin-ụlọ? N'o sọn i azụụn, a dụkpọ alị azụụn wẹ nọ a rụn ugbo? |
|
| 11 |
|
| N'i gi ẹ dọn ẹnya makẹni ndụn a rịka a? N'ị la ọrụn ị tọn'a rụn? |
|
| 12 |
|
| N'ị la ọka ị tọn'a bulụan'ị, kpọnhẹn ẹ ebe ị nọ a kụkpọ ọka? |
|
| 13 |
|
| Nnụnụ wụ ọstrichi gha e fe nku kpakpakpa, ọ hụ a sụọ a, kanị, n'o gi nku lẹ ugbele hụ lepụ ụmụ a ẹnya kẹ stọkụ dọn e mẹ? |
|
| 14 |
|
| Akpakalị k'o yitọ ẹkwan a, nị ẹjan rị alị kpọn wẹ ọkụn, |
|
| 15 |
|
| ara rodẹ nị ụkụ nwọn ikẹn zọkpọ wẹ mọbụ nị anụ ọfịa nwọn ikẹn zọ wẹ ụkụ. |
|
| 16 |
|
| Ara mẹdẹ ụmụ a nọkẹsị ya mụ wẹ; onwọnni ihiẹn ọ kpọ a nị afụnfụn ọ ta la iwi — |
|
| 17 |
|
| makẹni Chuku eyen'ẹ amamihiẹn mọbụ keye ẹ nghọta. |
|
| 18 |
|
| Kanị o femẹ nku gbakọ ọsọ, ọ gbanahịndẹ ẹshin lẹ onyẹ nyinkọn'a. |
|
| 19 |
|
| “Ịyụ ye ẹshin ndụn ahụn ile o nwọn ra ịyụ yimẹ ẹ ẹṅẹnrẹn ịyọmịyọ ndị hụ rị a olu? |
|
| 20 |
|
| Ịyụ mẹ ẹ a tụ kẹ igurube, a zụn okẹn ụzụn ahụn e rọn egun? |
|
| 21 |
|
| O tisọnmẹ ụkụ alị ikẹn-ikẹn, e mẹ ndụn-ndụn e gi ndụn a a ṅan, a zụnburu ihiẹn-ọgụn. |
|
| 22 |
|
| Ọ mụ egun ẹmụ, onwọnni ihiẹn ọ tụ egun ẹ; ara gbanị ọpịa-agha ọsọ. |
|
| 23 |
|
| Ẹkpa ọbara-ụta hụ a han kpọkọkpọkọ ẹkụnkụn onyẹ nyikọn'a — ya lẹ obo uku lẹ hụn nta rị e gbukeni. |
|
| 24 |
|
| Ọsọ hụ a dụ a, ọ hụ e ri ọsọ; wẹ gbuọlẹ opi-agha, ara sazị ẹka wuzo ụzọ ohu. |
|
| 25 |
|
| Opi-agha hanhụ, o kwọnlụa, ‘Ẹhẹn!’ Ọ ghadẹ ebe teni a nụ ishin agha — kẹ oro ndị-ndu agha kẹ oro-agha. |
|
| 26 |
|
| “Amamihiẹn i kẹ anwụnkwọ gi e fe imẹ-elu imẹ-elu — e fela ẹbamịn ndịdan-mirin? |
|
| 27 |
|
| Ịyụ a gwa ugọn mọbụ udele e fe imẹ-elu imẹ-elu, a kụ ẹkụ e ye ebe jẹngbu enwẹn ẹ elu? |
|
| 28 |
|
| Nkp'ọnụnụ ọmụma rị elu ugu k'o bi, ebẹhụ k'ọ nọdịdẹ imẹ uhinhin; ẹkpụ rị mkpọnụnụ ọmụma k'ọ warị, e che ẹhụ. |
|
| 29 |
|
| Ọ nọ ebẹhụ e lecheni ihiẹn o k'e ri; ẹnya a pụ-ichẹn k'o gi e lechen'ẹ. |
|
| 30 |
|
| Ẹdeke kẹ ụmụ udele a ra; ebe ozun rị kẹ wẹ nọ a hụn a.” |
|
|
|
|