|
| 1 |
|
| “La'bieiv-mbaengx nyei hieh yungh haaix zanc njiec dorn, meih hiuv nyei fai? Njaih nyeiz njiec dorn meih buatc jiex nyei? |
|
| 2 |
|
| Ninh maaih jienv dorn nyei hlaax-nyieqc meih haih saauv nyei fai? Haaix zanc njiec dorn meih hiuv nyei? |
|
| 3 |
|
| Meih hiuv duqv ninh mbuo haaix zanc mbaapv njiec, bun ninh mbuo nyei dorn ndortv ndau fai? |
|
| 4 |
|
| Ninh mbuo nyei dorn henv jienv faaux, yiem lomc-huaang hlo daaih. Ninh mbuo guangc maa mingh yaac maiv nzuonx. |
|
| 5 |
|
| “Haaix dauh bungx hieh lorh? Haaix dauh jaiv ninh nyei hlaang? |
|
| 6 |
|
| Yie zorqv ndau-huaang benx ninh nyei biauv, bun ndau-nzaaih benx ninh yiem nyei dorngx. |
|
| 7 |
|
| Ninh jatv zingh coh coh nyei qiex, maiv haiz zunc saeng-kuv nyei mienh heuc nyei qiex mbui. |
|
| 8 |
|
| Ninh youh gormx mbong benx ninh nyei miev-ciangv, ninh qaqv lorz nyungc-nyungc miev-maeng nyanc. |
|
| 9 |
|
| “Hieh ngongh kangv fu-sux meih fai? Ninh oix yiem meih nyei miev-zoh ga'hlen bueix jiex muonz fai? |
|
| 10 |
|
| Meih haih longc hlaang ndoh jienv hieh ngongh laih ndau fai? Ninh oix gan meih baah yuonh komv nyei dorngx fai? |
|
| 11 |
|
| Weic zuqc ninh maaih qaqv henv meih haih kaux ninh fai? Meih zorqv meih nyei gong-hniev jiu bun ninh zoux? |
|
| 12 |
|
| Meih bungx hnyouv ninh dorh meih nyei laangh ziqc nzuonx daaih? Yaac siou meih nyei mbiauh taux mborqv mbiauh nyei ciangv? |
|
| 13 |
|
| “Norqc lorh torh njien-youh nyei yaapv ndaatv, mv baac sin nyei biei caux ndaatv nyei biei beiv maiv taux norqc nyieh nyei. |
|
| 14 |
|
| Norqc lorh torh ndauc jaux guangc wuov ndau, bun ndau tengx ninh nyei jaux siouv. |
|
| 15 |
|
| Ninh maiv hnamv taux haih zuqc zaux caaiv huv, fai hieh zoih haih caaiv waaic. |
|
| 16 |
|
| Ninh zoux doqc bun ninh nyei dorn, hnangv maiv zeiz benx ninh ganh nyei dorn nor. Maiv gunv ninh ndortv qaqv, ninh yaac maiv korv-fiqv, |
|
| 17 |
|
| weic zuqc Tin-Hungh maiv bun ninh maaih cong-mengh, yaac maiv bun ninh haih bieqc hnyouv. |
|
| 18 |
|
| Mv baac ninh yang jienv ndaatv tiux wuov zanc, ninh jatv maaz caux geh maaz nyei mienh. |
|
| 19 |
|
| “Yopv aac, se meih bun maaz henv fai? Se meih bun maaz nyei jaang maaih nzong ndaauv fai? |
|
| 20 |
|
| Meih bun ninh biu hnangv jopv-nyeic, bun ninh tauv qiex mbui haeqv mienh gamh nziex? |
|
| 21 |
|
| Ninh yiem wuov horngz nyaaiv ndau, yaac a'hneiv ninh nyei qaqv, ninh cuotv mingh buangh dorh jienv wuoqc ginc nyei baeng. |
|
| 22 |
|
| Ninh jatv gamh nziex nyei sic, ninh ganh maiv gamh nziex, buatc nzuqc ndaauv, ninh yaac maiv tuix nzuonx. |
|
| 23 |
|
| Geh maaz mienh buix nyei forng-ndongh saev-saev nyei mbui, yaac maaih cang-ndaauv cang-nangv njapc njapc nyei. |
|
| 24 |
|
| Ninh ciouv-ciouv nyei nyaaiv ndau yaac tiux jienv mingh, yietv haiz jorng nyei qiex mbui ninh souv dingc maiv duqv aqv. |
|
| 25 |
|
| Jorng nyei qiex haaix zanc mbui ninh heuc, ‘Haev haev,’ ninh yiem go nyei hnomv zuqc mborqv jaax nyei qiex, yaac haiz jun-baeng-bieiv caux heuc nyei qiex mbui. |
|
| 26 |
|
| “Domh jaangv yang ndaatv ndaix, hungx jienv naamh bung mingh, naaiv se bangc meih nyei cong-mengh zoux fai? |
|
| 27 |
|
| Se meih paaiv domh jaangv ndaix faaux, yiem hlang nyei dorngx zoux lauz fai? |
|
| 28 |
|
| Ninh yiem hlang jiex nyei mbaengx zoux ninh nyei biauv, bangc mbaengx-ningv zoux ninh wuonv nyei dorngx. |
|
| 29 |
|
| Yiem naaiv ninh mangc jienv zorqv ga'naaiv nyanc, ninh nyei m'zing mangc duqv buatc go nyei. |
|
| 30 |
|
| Ninh nyei dorn sorqv nziaamv, zuqc daix nyei mienh nyei sei yiem haaix, domh jaangv-ngongh yaac yiem wuov.” |
|
|
|
|