|
| 1 |
|
| “Ûûgwe nî wiijî rîrîa nthia iciaraga? Ûroona nkûrûngû igîciara? |
|
| 2 |
|
| Ûratara mîeri îrîa ikamataga îîu, ûmenya rîrîa iciaraga, |
|
| 3 |
|
| rîrîa ciînamagîîria nîkenda iciara bianaana? |
|
| 4 |
|
| Bianaana biu bigîîjaga inya bigakûrîra bûûrîîne, na bieta bitîcokaga kîrîcio kaîrî. |
|
| 5 |
|
| Nûû ûrekeeretie ntigiri cia kîthaka îciîtîra, na nûû ûcithaûraga? |
|
| 6 |
|
| Nî ni ncieejaga rwanda rûkaa nja yaacio ngaciaa bûûrî ya chumbî îkaa gîtûûro gîaacio. |
|
| 7 |
|
| Cio itûûraga kûraaja na kûrîa antû batûûraga nacio itîûmba kûbundithua. |
|
| 8 |
|
| Îtarataraga irîmeene igîcwaa gîa kûrîa, ikarîa gîntû kîonthe kîrîa kîrî gîkîîthî. |
|
| 9 |
|
| Nî ûkwona teka mbogo yeenda gûgûtumîkîra? Yeenda kûraara nkanateene yaaku? |
|
| 10 |
|
| Woomba kûmîîkîra gîchooki nkingo îkûrîmîra? Kana rî, yoomba gûkûrîmîra na mûraû? |
|
| 11 |
|
| Woomba kûmîîrîgîîra nîûntû bwa inya yaayo înyiingî? Woomba kûmîtigîra ngûgî ciaaku îrita? |
|
| 12 |
|
| Womba kwîrîgîîra îgukethera na îkûûrîra na îgwîkîra maketha nchukuune? |
|
| 13 |
|
| Mathagu ja thirai nî jatabatabaga bwega îndî rî, yoomba kûng'uananua na mbûî cia namîtoori? |
|
| 14 |
|
| Nîkwîthîwa thirai îtigaga nkara ciaayo nthîgûrû nîkenda iruutîrua nî mûthetu. |
|
| 15 |
|
| Îkoorîrua ciomba gûkinywa nî muntû kana nyomoo ya kîthaka îkaithethera. |
|
| 16 |
|
| Îthithagîria bianaana biaayo ûthûûku ta ka bitî biaayo îtînogagua nî ngûgî ya ûtheri gûciara na gûta. |
|
| 17 |
|
| Nî ni ntûmîte yaga ûmenyo ndarega kûmîgaîra ûûme. |
|
| 18 |
|
| Îndî îkauga nî gûûkîîra îmatûka îtîgwatagwatwa nî mbarathi na mwîtithia waayo. |
|
| 19 |
|
| Nîgwe weete mbarathi inya yaayo? Nîgwe ûmîîkîrîte ruuri nkingo? |
|
| 20 |
|
| Nî ûûgwe ûtûmaga îthûngathûngûtha ta ngigî? Gûtiia kûrîa îtiiaga na nyiûrû nî gwa kûrigaria. |
|
| 21 |
|
| Yuragia makaarî iguuruune îîtîte ndweene. |
|
| 22 |
|
| Îtîkîraga noo anini, îtîcokaga na nyuma rîrîa îrî ndweene. |
|
| 23 |
|
| Mathaga ja ndwaa jakîenagia jaringanagîra îgûrû rîaayo. |
|
| 24 |
|
| Îng'eentaga tarumbeta ya ndwaa yaringwa îkoombûra nthî îgeeta ndweene. |
|
| 25 |
|
| Tarumbeta ya ndwaa yaringwa, nayo îkaithuranîra gwîta ndweene iigagua mûrukî jwa ndwaa îrî kûraaja, îkaigua kajû ka mûtongeeria wa njûûrî. |
|
| 26 |
|
| Nîgwe ûritanaga rwîgî kûbuurûûka? Kana nîgwe ûrwîraga rûbuurûûke rwîtîte bwa ûmotho? |
|
| 27 |
|
| Nîgwe wîraga ndiiû iitie bwa îgûrû kana yake gîtara kîaayo irîmeene? |
|
| 28 |
|
| Îkaraga maigeene jakaa gîkaro kîaayo, îkaeethia ngejû cia maiga giiciitho kîaayo. |
|
| 29 |
|
| Kuuma au nî îraithagîria îgîcwaa gîa kûrîa meetho jaayo jagakîonera o kûraaja. |
|
| 30 |
|
| Bianaana biaayo bikuundaga tharike na o arîa kiimba kîrî, nîo ciûthûranaga.” |
|
|
|
|