|
| 1 |
|
| Upéramo Elifaz, pe Teman pegua, ombohovái Jóbpe ha he’i: |
|
| 2 |
|
| Nemyangekõine añe’ẽ ramo ndéve, máva piko ojokokuaa iñe’ẽ nerendúvo. |
|
| 3 |
|
| Nde voi rehekombo’e hetápe ha remombaretémi ipo kangývape. |
|
| 4 |
|
| Ne ñe’ẽ omopu’ã jevy umi oñepysãngávape ha remombaretémi ikangývape. |
|
| 5 |
|
| Ha ág̃a umi mba’evai oúrõ ndeári ndepy’a kangypáma, rejepy’apy ha rereñemyangekõieterei. |
|
| 6 |
|
| Mamópa oime nde jerovia Ñanderuete rehe. Reñemoĩ porãse piko nde reko porã rupínte. |
|
| 7 |
|
| Nemandu’a porãke, mba’eichagua teko potĩ piko oñehundi reíra’e, ha araka’épa ojejuka rei heko porãvape. |
|
| 8 |
|
| Che ahecha haguéicha, umi omyasãiva ñaña reko ha oñotỹva mba’evai katuete omono’õ jevyva’erã umi mba’e oñotỹmava’ekue. |
|
| 9 |
|
| Ñanderuete Pytu Porãite rupi umía omanomba ha Ha’e oipeju ramo ipochy oñehundipa hikuái. |
|
| 10 |
|
| Pe leõ nokororõvéi, pe leõ tuja ryapu opa ha umi leõ ra’yrusu rãinguéra opẽmbáma. |
|
| 11 |
|
| Pe leõ tuja omano opágui hembi’u, ha umi leõ kuña membykuéra oñemosarambipáma. |
|
| 12 |
|
| Peteĩ ñe’ẽ ñemi megua ou chéve, ha che apysápe katu og̃uahẽ ñe’ẽ mbegueitereíma. |
|
| 13 |
|
| Topehýi ou jave yvyariguakuéra rendápe, che kérape ahecha mba’e ivaíva. |
|
| 14 |
|
| Ñemondýi chemboryryipáva ho’a cheári, ha omokangypa che kanguekuéra. |
|
| 15 |
|
| Ha pe yvytu ohasáva che renondépe omopu’ãmba che rete rague. |
|
| 16 |
|
| Peteĩ ta’ãnga oñembo’y che resa renondépe, ndahecha porãmbái katu, ha mbegue ahendu peteĩ oñe’ẽva chéve: |
|
| 17 |
|
| Ikatu piko kuimba’ekuéra térã kuñakuéra oiko heko porãva ramo Ñanderuete renondépe. Ikatu piko umía oiko heko potĩva ramo Ijapohare renondépe. |
|
| 18 |
|
| Eikuaa porãke, hi’angelkuéra rehe jepe Ha’e ndojeroviapái, ha oikuaa voi ijapytekuéra oĩha avei umi oñemohembiapo vaíva. |
|
| 19 |
|
| Ha ko’ýteve katu umi yvyarigua apytépe oikóva óga tujuguiguápe ha hóga rapo oĩ yvy guýpe, opaite ko’ã mba’e ikupi’ipáta ha yvy timbónte hembýta. |
|
| 20 |
|
| Pyhareve iñapysẽ ha ka’arúrõ g̃uarã omanóma ha oñehundi, ha avave naimandu’avéi hesekuéra. |
|
| 21 |
|
| Ha’ekuéra omanóta oñekytĩvo hekove sã. Ha’ekuéra omanombáta ohupity’ỹre arandu. |
|
|
|
|