×

Bukuit Ne Tilil 2020

JOB 40

1
Kiwolji kogeny Jehovah Job kolenji,
2
King’alaljin ne imesesi kobelegei ak Inendet ne bo Kamuktaet? Ingowol inendet ne tiitos ak Kamuktaindet.
3
Kowolji anyun Job Jehovah kolenji,
4
Keero, ma a kiy; awolun nee? Kagonama kut.
5
Kiamwa konyil agenge, ama awolu kogeny; Ee, kiamwa konyil aeng’, ago ma atese.
6
Kowolji anyun Jehovah Job eng’ kipchurjuriet, kolenji,
7
Kermenge ko u muren; Amagenen ng’olyo, ak imwawa.
8
Tos iwale kiruogennyu koek buch? Tos iruokwa, si kobiit kiityin imanda?
9
Anan itinye eut ne u ne bo Kamuktaindet? Ak imuchi itul eng’ tuget ko u inendet?
10
Ilaakyige anyun telunatet ak etunatet; Ilaakyige teegisto ak kororonindo.
11
Rong’u neregeguk che ing’irtogei: Ak igeer age tugul ne menei, ak inyerat.
12
Keer age tugul ne menei, ak iming’in; Ak itiekyi ng’ony kiptengeginik eng’ ole tonone.
13
Ung’e temburiek kibagenge; Tuch togochikwak eng’ ole ung’at.
14
Si abarten ale Kaga imuchi eung’ung’ ne bo tai kosorun.
15
Keer anyun-o magaut ne kiayai koboten; Ageti ko u teta.
16
Keer anyun-o, mi kimnatennyi suennyi, Mi kamugennyi inoikab moennyi.
17
Birabirtoi saruriennyi ko u tarakwet: King’walgei tigitikab chotikyik.
18
U kowekyik karik che kimen che bo sugunwet; U karaswekyik temeleiywekab karik.
19
O inendet, ne bo ortinwekab Kamuktaindet: Inendet ne kiyai tionyoto, ko ne imuchi kobar eng’ rotwetab chok.
20
Iman baei inendet tulonok; Ole urerense tiong’ik tugul che bo kewanin.
21
Rue ketit kel ye mi uruet, Eng’ saoset orit, ak nyanyawet.
22
Iuuri inendet ketik; Yiemei inendet ketikab kererusiek.
23
Keero, ngonyi beek ainet kot kong’irtagei, ko mabotani: Menegei, agot ngo itu beekab Jordan kutinnyi.
24
Tos imuchi chi konam tionyoto ye ripsei, Anan kotoore serunnyi katet?
Kalenjin Bible 2020
God's word open for all Bible Society of Kenya, 2020
:
Save Notes