×

Bukuit Ne Tilil RV 2015

JOB 40

1
Ki wolji kogeny `Kamuktaindet ne Toroor Job koleenji,
2
“Tos imache inyee ne imesesi obelegei ak Kamuktaindet Ne po Kamuktaet? Ingowol chuuto ineendet ne tiitos ak Kamuktaindet.”
3
Kowolji anyun `Job Kamuktaindet ne Toroor koleenji,
4
“Keero, ma aa kiy; awolun nee? Kagonama kuut.
5
Ki amwa konyil agenge, ama awolu kogeny; Ee, ki amwa konyil aeng', ago ma atese.”
6
Kowolji anyun `Kamuktaindet ne Toroor Job eng' kipchurchuryet, koleenji,
7
“Kermenge ko uu muren; amagenen ng'olyoo, ak imwaiwo.
8
Tos iwale kirwoogennyu koek puch? Tos irwokwo, si kobiit kiityin imanda?
9
Anan itinye euut ne uu ne po Kamuktaindet? Ak imuuchi itul eng' tuugeet ko uu ineendet?
10
Ilaakyigei anyun telunateet ak etunateet; ilaakyigei teegisto ak korooronindo.
11
Rong'u nereegeguk che ing'irtogei, ak igeer age tugul ne meenei, ak inyerat.
12
Keer age tugul ne meenei ak iming'iin, ak ityekyi ng'wony kiptengeginik eng' ole tononee.
13
Ung'e temburyek kibagenge; tuch togoochikwak eng' ole ung'aat.
14
Si abarten ale, kagaimuuchi eung'ung' ne po tai kosaruun.
15
Keer anyun magasta ne ki ayai ko uu ye ki ayain, ageti ko uu teta.
16
Keer anyun, mi kimnateennyi suennyi, mi kamugennyi inoigap moennyi.
17
Pirabirtoi saruryennyi ko uu tarakwet; king'walgei tigitigap chotikyik.
18
Uu kawekyik kariik che kiimeen che po sugunwet; uu karaaswekyik temeleiywegap kariik.
19
Po tai ineendet eng' poisyonik che eecheen che po Kamuktaindet; ineendet ne ki yai tyonyooto, ko ineegei ne imuuchi kobar eng' rotwetap chok.
20
Iman paei ineendet tuloonook; ole urerense tyong'ik tugul che po kewanin.
21
Rue keetit keel ye mi urwet, eng' saoset oriit, ak nyanyawet.
22
Iuuri ineendet keetiik; yiemei ineendet keetiigap kereruusyek.
23
Agot ngo nyi peek aineet kot kong'irtagei, koma potani; menegei, agot ngo itu peegap Jordan kutinnyi.
24
Tos imuuchi chii konam tyonyooto ye riipsei, anan kotooree serunnyi kateet?”
Kalenjin Revised Bible 2025
Kalenjin Revised Bible Catholic Edition Bible Society of Kenya, 2015
:
Save Notes