×

सरल नेपाली पवित्र बाइबल 2008

काम ४०

1
[1-2] अय्‍यूब, तैँले सर्वशक्तिमान् परमेश्‍वरसित जोरी खोजिस्। तेरो जिद्दी छोड्छस्? कि जवाफ दिन्‍छस्? अय्‍यूब भन्दछन्‌:
2
3
[3-4] मेरो केही मोल छैन, परमप्रभु, म के जवाफ दिन सकूँला? म आफ्‍नो मुख बन्‍द गर्दछु।
4
5
मैले एक चोटि भनिसकें, दुईपल्‍ट भन्‍दिनँ। मैले फेरि भन्‍ने केही कुरा छैनँ।
6
फेरि एक चोटि आँधीको बीचबाट परमप्रभुले अय्‍यूबलाई यसो भनेर जवाफ दिनुभयो:
7
मर्दझैँ खडा हो र मेरा प्रश्‍नहरूको जवाफ दे।
8
म न्‍यायी छैनँ भनी के तँ प्रमाण दिन चेष्‍टा गर्दै छस्? आफैंचाहिँ ठीक हुनलाई के मलाई गलत बनाउँदछस्?
9
के तँ मजस्‍तो सामर्थी छस्? के तेरो सोर मेरो जस्‍तो जोडले गर्जन सक्‍छ?
10
यसो हो भने तँ आफ्‍ना इज्‍जत र घमण्‍डमा खडा हो। गौरव र महिमाले आफैंलाई सिङ्गार्‌।
11
अहङ्कारी मानिसलाई हेर्‌, तेरो रिस तिनीहरूमाथि पोखा र तिनीहरूलाई होचो पार्‌।
12
हो, तिनीहरूलाई हेरेर तल झार्‌। दुष्‍टलाई तिनीहरू उभिएकै ठाउँमा कच्‍याक-कुचुक पारिदे।
13
तिनीहरूलाई जमिनभित्र गाडिदे, कात्रोले बेह्रेर चिहानमा तिनीहरूलाई पुरिदे।
14
तब म तेरो प्रशंसा गर्नेछु र तेरो आफ्‍नो पाखुराको बलले विजयी पाइस् भनी स्‍वीकार गर्नेछु।
15
बहेमोथ भनिने विशाल जल-जन्‍तुलाई हेर्‌। तँलाई र त्‍यसलाई मैले नै बनाएँ। गाईले जस्‍तै त्‍यसले घाँस खान्‍छ।
16
त्‍यसको शरीरमा कस्‍तो बल छ। त्‍यसको पेटको मांसपेशीमा कस्‍तो शक्ति छ!
17
त्‍यसको पुच्‍छर देवदारु रूखजस्‍तै कडा हुन्‍छ। त्‍यसका तिघ्राका मांसपेशी बलियो हुन्‍छ।
18
त्‍यसका हड्डीहरू काँसका नलजस्‍तै बलिया हुन्‍छन् र त्‍यसका खुट्टाहरू फलामका डन्‍डाहरूजस्‍ता हुन्‍छन्।
19
मेरा सृष्‍टिहरूमध्‍ये त्‍यो सबैभन्दा अचम्‍मको छ! त्‍यसलाई सृष्‍टि गर्नेले मात्र त्‍यसलाई जित्‍न सक्‍छ।
20
जङ्गली पशुहरू खेल्‍ने डाँडाहरूमा त्‍यसको घाँस उम्रन्‍छ।
21
त्‍यो कमलको बोटमुनि बस्‍दछ; सिमसारका काँसघारीको बीचमा लुक्‍दछ।
22
कमलले त्‍यसलाई आफ्‍नो छायामुनि लुकाइराख्‍छ, खोलाका बैसका रूखहरूले त्‍यसलाई घेरिराख्‍छन्‌।
23
वेगले ओर्लिआउने नदीसित त्‍यो डराउँदैन, यर्दन नदी त्‍योतिर बौलाएर बहिआयो भने पनि त्‍यो ढुक्‍क मानी बसिरहन्‍छ।
24
कसले त्‍यसका आँखा बन्‍द गरेर त्‍यसलाई पक्रन सक्‍छ? वा कसले त्‍यसको नाक पासोमा पार्न सक्‍छ?
Nepali Bible 2008
Simple Nepali Holy Bible Nepal Bible Society, 2008
:
नोटहरू बचत गर्नुहोस्