|
| 1 |
|
| “Keipa ta Leviathâ thuapa ta, Chaori ta a paleih na buh thei aw ma? |
|
| 2 |
|
| Khawhhri ta a hnari daohpa ta, Keipa ta a kâh na thua pahlie thei aw ma? |
|
| 3 |
|
| Zawngiah awpa ta châ hawpa ta, Reikah naipa ta bie a châ chho aw ma? |
|
| 4 |
|
| Tlyzaw ta châ chakaotuhpa ta y awpa ta, Na hnohta biehrai a tao aw ma? |
|
| 5 |
|
| Pavaw nâ hriapa hawhta a hriapa ta, Na sawchanôzy a daophi awpa ta chaori na pa-ao aw ma? |
|
| 6 |
|
| Sôhpalietuhpazy ta sôhpaliena châta hmâpa ta, Sôdaohpazy ta pachhaihpa ta amâ rai aw ma? |
|
| 7 |
|
| Nga kana châtai ta a vo pabiepa ta, Nga chakhaona asei ta a luh na pabie thei aw ma? |
|
| 8 |
|
| A chô liata ku a pathlapa vaw châ la, A rairuzie a thei aw chi ta, Tao beih khao aw va chi! |
|
| 9 |
|
| Pachâ tua, Leviathâ pahnie hnabeiseihpa cha, Hnabeiseihna doleipa a châ; Chyhsa ta a hmôpa nahta ngâh khao tyh vei. |
|
| 10 |
|
| Leviathâ hmahta pathyu awpa a ngâhpa Machhyumahrâh ama y vei khiahta cha, Kei chhochhi cha ahy ma ei hmiakô liata a duah thei aw? |
|
| 11 |
|
| Ahy ta na pie tua ta ma ei thô awpa a byuh tly? Avâ ry liata hmo to zydua he kei eih mâh a châ tâh. |
|
| 12 |
|
| “A kuphei kyh liata a chalih leipa aw na ta, A thatlôzie nata a pizie angiana kyh liata chhao a chalih aw va na. |
|
| 13 |
|
| Ahy ma a chôtho a hlaih thei aw? Ahy ma chhâri chabapa ta ano cha a hnia thei aw? |
|
| 14 |
|
| Ahy ma a hmia ochhizy a pahy thei aw? A hâhzy chichhih ngaitapa châ tlôh ta. |
|
| 15 |
|
| A ky cha vyhphaozy patlâhpa châ ta, A phipa ta pachawhpâ khaipa a châ. |
|
| 16 |
|
| A hnia kawpa ta y ei ta, Ama likawh liata ziza chhao a ngia thei vei. |
|
| 17 |
|
| A pazaopa ta, Â ipa ta a patu ei ta, Pachhaih thei awpa châ veih ei. |
|
| 18 |
|
| A hâthihpa ta khaihna papua ta, A mokhaohzy cha my nohchhi khaihpa hawh a châ. |
|
| 19 |
|
| A pakah tawhta meipaleih pua ta, Meihlihzy â vaw zaw. |
|
| 20 |
|
| A hnapasu tawhta meikhuh vaw pua ta, Beih a tlaopa nata liaryh kâpa khuh hawhta a vaw pua. |
|
| 21 |
|
| A hu ta meihei pa-ia ta, A pakah tawhta meipaleih a pua. |
|
| 22 |
|
| A rao liata thatlôna y ta, Chichhihna ta a hmia lâta a lâ laih. |
|
| 23 |
|
| A sabiazy a patlopa ta, Liahsa a baipâ khai ha ta, Pasie thei awpa rimâ châ vei. |
|
| 24 |
|
| A châh-ao alô hawhta châkaro ha ta, A ry lâta a ypa charona lô hawhta a châkaropa a châ. |
|
| 25 |
|
| A kaw thyu nahta, Pasaiphazy chhao ta chi ei ta, A chheichahrie ti ei ta, Âmosasyh â pahno khao veih ei. |
|
| 26 |
|
| Zaozi ta chhawh hra sala tiah leipa ta, Asei, li, seichhi zy ta tiah thei hra vei. |
|
| 27 |
|
| Thuazy cha sawphao hawhta pachâ ta, Dawh chhao tho hmypa hawh dei a pachâ. |
|
| 28 |
|
| Châtai ta ano cha parâsa thei leipa ta, Ano châta cha cheichâ lôzy chhao sâh kô hawh dei a châ. |
|
| 29 |
|
| Byuthôzy cha sâh kô hawhta pachâpa châ ta, Seichhi pyuzy a pahneisao. |
|
| 30 |
|
| A py lâ chhao beihkao tiahpa hawh châ ta, Sâh tlyna chhaichhi hawhta chiatlao liata â byu tyh. |
|
| 31 |
|
| Beih a tlaopa hawhta ti a thupa patlao ta, Tilaipi chhao sathaw beih hawhta a pa-ao. |
|
| 32 |
|
| A siena hniehnôh patliepa ta paysa ta, Chyhsa ta ti athupa cha sâ pawhpa khiah ma a hnei a tah tyh. |
|
| 33 |
|
| Alei chô liata ano hawhpa rai y leipa ei ta, Ano hawhta china hnei leipa hmohrohneipa y veih ei. |
|
| 34 |
|
| Â sâhpa liata a ypa zydua hmô khai ta, A khotlâh kawpa sahrâhpa zydua bei a châ,” tah ta. |
|
|
|
|