|
| 1 |
|
| “N'ị s'ẹka gi ukpo nwụn eje-anụ mirin wụ Lẹvịatanị dọkpụnpụha? N'ị s'ẹka gi eriri kẹn ẹ ire? |
|
| 2 |
|
| N'ị s'ẹka we ụdọ gha a imi mọbụ gi ukpo hapu ẹ agban? |
|
| 3 |
|
| N'ọ rịọma ị dodo, a rịọ ị a rịọdọnzi kẹni i mẹn'ẹ omikẹn? N'o gi ọnụ alụlụa gwa ị oku? |
|
| 4 |
|
| N'ọ gwẹrụ (gwarị) kweri hụn ọwụlẹ i ku, kweri n'i gi ẹ họnrin igbọn i o we nwụn? |
|
| 5 |
|
| N'i s'ẹka gi ẹ gu egu kẹ nnụnụ mọbụ limẹni ụmụ-ị-ikpoho ya nị wẹ gi ẹ gu egu? |
|
| 6 |
|
| Nị ndị yụ lẹ wẹ gba e gbu azụụn kumẹ ọnụ egho w'e gi ṅọn ẹ? Nị wẹ jakịkanị ndị-afịa anụ a? |
|
| 7 |
|
| N'ị s'ẹka gi obo hụ wẹ e kẹnye eriri zupu ẹ akpụkpọ ẹhụ ra obo mmaka wẹ gi e gbu azụn k'i k'e gi zupu ẹ isi? |
|
| 8 |
|
| I ma-ama mẹtụ a ẹka, o mẹ i ihiẹn wẹ ghalẹni a zọ, y'e kwekọzị maye ẹ. |
|
| 9 |
|
| Onyẹ sị n'o k'e mẹri ẹ rị a tụ ntụ; ọ pụhahụ, ndụn a gụ onyẹ te sikọ d'a mayen'ẹ. |
|
| 10 |
|
| Onwọnni onyẹ egun a nị a kpọtiẹn ẹ. “Onyẹ kẹ egun k'a nị nwan che m ọgụn? |
|
| 11 |
|
| Onyẹ kẹ m gi ụgwọ hụn m k'a kụrịrị? Mmẹ nwọn ihiẹn ile rị okpuru igwere. |
|
| 12 |
|
| M k'e kuzidẹ oku ụkụ Lẹvịatanị lẹ ẹka a lẹ ndụn ile o nwọn lẹzi kẹ m dọn dọnkwamachanrịn ẹhụ a ọhụnma. |
|
| 13 |
|
| Onyẹ k'a s'ẹka han a akpụkpọ? Onyẹ k'a s'ẹka zupu ẹhụ a hụn nọ kẹ ẹwuru-igwe? |
|
| 14 |
|
| Onyẹ k'a s'ẹka nyawa ọnụ a ahụn, ọnụmụzọ ahụn rị a ihun, hụn wẹ gi eze ẹ ahụn e rọn egun ghahunmẹ? |
|
| 15 |
|
| Azụụn a wụ akpaịn-akpaịn hụn wẹ dọnyesọnmẹ ogele-ogele, wẹ ile nyangbama nke wụnị ẹgbata arịd'a; |
|
| 16 |
|
| wẹ nọkunmẹ ibe wẹ ọhụnma-ọhụnma nke wụnị ufere ara sadẹ ẹka gha ẹgbata wẹ. |
|
| 17 |
|
| Wẹ nyanrịn ibe wẹ ọhụnma-ọhụnma; nyangbama kẹnkẹnkẹn — nke wụnị asakọ wẹ ẹka nyanpụ wẹ. |
|
| 18 |
|
| O ziẹn uziẹnrẹn, ukpẹ e be ‘nwaịn!’ Ẹnya a e nwun kẹ ebe ẹnyanwụn ụtụntụn nọ wa. |
|
| 19 |
|
| Ọkụn rị e nwunni hụ a gha a ọnụ e hupụha; ikeke-ọkụn hụ a pụha. |
|
| 20 |
|
| Ẹnwụnrụn hụ a gha a imi a lọpụha nọkẹ ite rị a gbọnị lẹ ẹfịfịa rị a dụn ọkụn. |
|
| 21 |
|
| Uzun o kunpụha e mẹ ikeke-ọkụn e nwunrun ọkụn; ọkụn a ghazịdẹ a ọnụ a pụha. |
|
| 22 |
|
| Akwanran olu Lẹvịatanị e zekẹ; ọ pụha, ndụn a gụ onyẹ ọwụlẹ. |
|
| 23 |
|
| Uru-ẹhụ a ze ọda-ọda; ọ nọ kẹ igwe, ara mẹhunmẹ. |
|
| 24 |
|
| Obi ẹ ze kẹ ọmụma — lekẹ ọlọ wẹ gi a kwọ ihiẹn. |
|
| 25 |
|
| O helihụ, ẹhụ a mama dikẹn nni; O mẹhunmẹ k'o dọn e mẹhunmẹ, e gi wẹ egun gbama ọsọ. |
|
| 26 |
|
| Onyẹ rị e be ẹ ọpịa rị e mẹ mmaka — kẹ onyẹ rị a tụd'a obo-uku mọbụ obo-nta. |
|
| 27 |
|
| O mẹdẹ igwe kẹ ẹfịfịa ọkpọ-nkụn, e mẹ igwe-bronzu kẹ osisi rehigụnị. |
|
| 28 |
|
| Ara gbanị obo ọsọ; wẹ gbad'a araba, ọ rị a hụ kẹ irinrin ẹfịfịa ọka ọkpọ-nkụn. |
|
| 29 |
|
| Ẹgbee nọ a hụ kẹ ifunfun achara ẹhụ; obo wẹ tụ a lalanị ebe ọ rị, ẹmụ a nahịn a. |
|
| 30 |
|
| Ihiẹn a tụ nkọ kẹ mpekele ite jun ẹ okpuru ẹfọ; nrịrị a nọhụ kẹ ugbẹnrẹn ihiẹn wẹ gi a rụn ẹfịfịa e vinye alị. |
|
| 31 |
|
| O gberụrụ ohimin ọ nọ kẹ ite rị a gbọnị, a rụrụ ohimin kẹ udẹn-ori rị a gbọnị. |
|
| 32 |
|
| Ọ ghakọnị imẹ mirin ebe ọ gha hụ e be nwaịn-nwaịn, ịhịan e ro ni ohimin pu ẹwọ. |
|
| 33 |
|
| Onwọnzini ihiẹn yin'ẹ imẹ ụwa — anụ egun ghalẹni a tụ. |
|
| 34 |
|
| Lẹvịatanị e legberi eje-anụ ọzọ ile; ịya wụ eze eje-anụ ile.” |
|
|
|
|