|
| 1 |
|
| ¿Ka istare tu e Leviatane iekhe udichaia, o ka istare le e chibatar iekhe solea? |
|
| 2 |
|
| ¿Ka nakhave katar lako nak iek solo? ¿Ka jirave leke chama iekhe zichaia? |
|
| 3 |
|
| ¿Tu misli kai ka molilpe chuke? ¿Tu misli kai ka del tuia orba lachimaia? |
|
| 4 |
|
| ¿Tu misli kai ka del tut po alav te avel cho sluga ostade? |
|
| 5 |
|
| ¿Ka cheletut lea sargo iekhe chirikliaia, o ka phande le te chelenpe lea che chorra? |
|
| 6 |
|
| ¿Ka chere letar iek jape che amalenge? ¿Ka fulave kote kai chinen ta bichinen? |
|
| 7 |
|
| ¿Ka chine tu leko mas e churiaia, o ka jirave leko soro iekhe kastea? |
|
| 8 |
|
| Thou cho va pe lete ta ka de tut golli katar maripe kai ka del tut ta nikada ni ka cherele pale. |
|
| 9 |
|
| Niko nasti uzdilpe te istarel le soke samo te dikhe pe lete ka baldi tut daratar. |
|
| 10 |
|
| Niko inai gia tromano te llungavel le, a te si gia, ¿Ko ka thovelpe angla mande? |
|
| 11 |
|
| ¿Ko dia man vareso te sai iriule leke? Sogo si pe phuv telal katar o kham si murno. |
|
| 12 |
|
| Si man but te phenav katar leki esnaga, katar leki zor ta gia glamno dikhol vou. |
|
| 13 |
|
| ¿Ko sai thovelpe angla le? ¿Si vareko tromano te achavel le? |
|
| 14 |
|
| ¿Ko sai putarel leko mui kana leke danda cheren te izdra daratar? |
|
| 15 |
|
| Leki esnaga si pherdi kore lipime iek pe aver ta zurale sargo barr. |
|
| 16 |
|
| Gia lipime si e kore kai e balav ni del maskar lende. |
|
| 17 |
|
| Lipime si iek pe aver, istarde si maskarpe ta nasti putaon. |
|
| 18 |
|
| Kana del chi a iag phabol, a leke akha si sargo o kham kana llivosaol. |
|
| 19 |
|
| Katar leko mui liken plamekura, ta juten lliske phabarde. |
|
| 20 |
|
| Katar leko nak likel thuv, sargo katar iek kavi kai chirol. |
|
| 21 |
|
| Leko aburo phabarel e angara, ta katar leko mui liken plamekura. |
|
| 22 |
|
| Ande leki korr si leki zor, kogo dikhel le merel daratar. |
|
| 23 |
|
| Leko mas kai dikhol kovlo, si zuralo sargo o sastri ta ni miskolpe. |
|
| 24 |
|
| Leko lio si zuralo sargo iek barr, chapeno sargo o barr kai moren lea. |
|
| 25 |
|
| E llene zurale daran katar leko baripe ta angla le jasaren e zor ta nasen. |
|
| 26 |
|
| A te istarel le vareko, nasti ka jiravel le o jarni, ni e lansa, ni e llide bare ta ni e llide minone ni. |
|
| 27 |
|
| O sastri si leke sargo e char suki, a e ezgode tuchne sargo iek kas cherno. |
|
| 28 |
|
| Ni nasel katar e llide, e barra kai chuden ande lete si leke sargo char suki. |
|
| 29 |
|
| E ezgode kai marenpe lenchar lea, si leke sargo patra suke. |
|
| 30 |
|
| Pe leko lli si thule kore kai kana terrilpe, putarel o glibo sargo kana putaren e phuv te thoven e simiche. |
|
| 31 |
|
| Cherel te chirol e mora chak andral, cherel la sargo iek kavi kai chirol. |
|
| 32 |
|
| Pala pe mukel iek sivka parrni kai klichil sargo e bal parrne. |
|
| 33 |
|
| Pe phuv inai niko sargo vou, iek zivirinia kai ni daral nikatar. |
|
| 34 |
|
| Ni chitilpe leke ni iek ezgoda bari, vou si charo pe sa gola kai istardon. |
|
|
|
|