|
| 1 |
|
| “Woomba kûgwatia nyamû ya rûûjî îrîa îtagwa Leviathani na rwano rwa makûyû kana ûmîtheeka rûûme na mûrigi? |
|
| 2 |
|
| Woomba gûtonyithîria mûrigi nyiûrû ciaayo? Kana ûmunta nkambatî ciaayo na rwano? |
|
| 3 |
|
| Ûriuga yoomba gûgûkaîra? Ûriuga yoomba gûkwerenca? |
|
| 4 |
|
| Yoomba gwîka kîrîkanîro naagwe nîkenda îgûtumîkagîra magiita jonthe? |
|
| 5 |
|
| Woomba gûceetha nayo ta kanyoni ûgûceetha nako? Kana woomba kûmîtheeka nîkenda îgwîria nthûûmba ciaaku cia aarî? |
|
| 6 |
|
| Aringi biashara boomba kûmîarîîria bakîmîgûra? Boomba kûmîgaania kîrî agûri? |
|
| 7 |
|
| Womba gûtûranga gîkoonde kîaayo na nchibe? Kana ûmuntanga kîongo kîaayo na matumo? |
|
| 8 |
|
| Û-mîtongithie na njara, woone ndwaa îrîa bûkarwaa naagwe ûtîgacoka kûthithia ûu kaîrî. |
|
| 9 |
|
| Atîrî, muntû athiraga inya buru agatuîkangaga maru akagwa amîona akî. |
|
| 10 |
|
| Nayo nî îng'eentu mono rîrîa îthangi gûtî we ûûmîria kûrûngama mbere yaayo. |
|
| 11 |
|
| Nûû nthîgûrûûne yonthe ûûmba kûmiithûkîra îkarega kûmûthiria? |
|
| 12 |
|
| Ntîkira ntîarîîtie mantû jegiî magûrû ja nyamû ya rûûjî îrîa îtagwa Leviathani kana jegiî inya yaayo înene kana mûûmbîre jwaayo jwa kûrigaria. |
|
| 13 |
|
| Nûû ûûmba kûmîûraga akamîrita mûgûûta? Nûû ûûmba gûtûûra gîkoonde kîaayo kîrîa kîûmo? |
|
| 14 |
|
| Nûû ûûmba gûkandûra kanyua kaayo? Mpari cia maîgo jaayo nî cia kûmakania. |
|
| 15 |
|
| Mûgongo jwaayo nî ta mpari cia rong'o igwatitheenue bwega ciarika. |
|
| 16 |
|
| Ikirithene bwega ûrîa kinya ruuo rûtîkûrûkîîra gatîgatîîne gaacio. |
|
| 17 |
|
| Igwatithanîtue bwega ciarûmatana buru ûrîa itîûmba kwathûranwa. |
|
| 18 |
|
| Îtiiyaga na nyiûrû gûkeenia najo meetho jaayo nî ta weerû bwa riûa gûgîkîa. |
|
| 19 |
|
| Kanyua kaayo kaumaga inyiinga bigwakana nthande cia mwanki ithandîkangaga ikiumaga ku. |
|
| 20 |
|
| Nyiûrû ciaayo ciumaga toogi ta îrîa yuumaga nyongûûne îkûtherûka. |
|
| 21 |
|
| Mîrukî yaayo îgwatagia makara jagaakana na kanyueene kaayo gûkauma rûmûrî. |
|
| 22 |
|
| Nkiingo yaayo îrî inya îmbîî bonthe barîa batirimanaga nayo nîka bateetemaga nî ûguaa. |
|
| 23 |
|
| Mîkûnjo ya mwîrî jwaayo nîka îmamanîrîte îgwatanîte naayo ûrîa îtîûmba kwenyeenyua. |
|
| 24 |
|
| Nkoro yaayo nî înjûmo ta iiga îtî ûguaa. |
|
| 25 |
|
| Rîrîa Leviathani yookîîra barîa barî inya mono nîka bamakaga yaitambûrûkia bakathirîrwa nî ûûme. |
|
| 26 |
|
| Kinya îkamuntwa na rûchiû, kana îtumo, kana mûthîrî, gûtî u îkara. |
|
| 27 |
|
| Kîrî yo chuuma nî ta rûûa na îturutia nî ta mûtî jûmworu. |
|
| 28 |
|
| Mîgwî îtîtûma îmatûka kinya îkaringwa na maiga ja gîkûtha iigagua ja matî jamîringa. |
|
| 29 |
|
| Kîrî yo nchûgûma îkari ta mîbua yaigua matumo jeejîte îkatheka. |
|
| 30 |
|
| Mwîrî jwaayo bwa nthîgûrû jûkari ta ngîo cia nyongû, yaitambûrûkia îkagiita ntaka ta mûchumeno îgûtumîra. |
|
| 31 |
|
| Îtûmaga kûrîa kworokeru kûtherûka ta nyongû, îgatûma îria rîtherûka ta nyongû ya maguta. |
|
| 32 |
|
| Îîtîte îtigaga mûkondo jûkwenia muntû no athûgaanie îria ka rîkuuma mûûjî. |
|
| 33 |
|
| Nthîgûrûûne gûtî nyamû îngî îkari ta Leviathani yo nî nyamû îtî ûgua. |
|
| 34 |
|
| Yoonaga nyamû irîa cionthe irî inya îgacimena. Nîyo yaathaga nyamû ingî cionthe.” |
|
|
|
|