Y'a jụghọ kẹ ‘Onyẹ wụ hụnnị rị e ku kẹ sị ọ marịnghọ uche m bụ ọ marịn ihiẹn ọ rị e ku?’ Eziẹ, e kughọ m ihiẹn m ghọtalẹni, okẹn ihiẹn ndị m marịnlẹni.
Weri ni nwan okẹn-efin ẹsa lẹ ebulu ẹsa d'e kunrun odibo m wụ Jobu; gi ni wẹ chụnnị enwẹn ụnụ ẹjan w'a dụn ọkụn — odibo m wụ Jobu e mẹni ụnụ ekpere, e gi m ufiri Jobu nụ ekpere hụ, amamgbe m'e ye ụnụ afụnfụn makẹ nzuzu ụnụ zuzu — makẹni ụnụ ekuni ihiẹn ụnụ ku banyeni m ọhụnma, kẹ odibo m wụ Jobu dọn ku.”
Ya umunẹ ẹ ikẹnnyẹ ile lẹ umunẹ ẹ ikpoho ile lẹ ndị ile marịn a mbụ nọ bịa d'e sọn ẹ ri oriri iwe ẹ. Wẹ nọ rọkọ a obi, mẹ obi sụọ a ụsụọ, yeni nsọngbu ile Osolobuẹ te bukwasị a. Onyẹ-onyẹ nọ ye ẹ akpụrụ-siliva lẹ ọla goru.