|
| 1 |
|
| “Tahmâ aw tua, Châ chhypa pakha chhâ ama y ma? Vâlyuhchâpa ahy ma nâ heihnao aw? |
|
| 2 |
|
| Ruchhôna ta ahrupa thie ta, Hiatliana ta angâpa a patlaopâ tyh. |
|
| 3 |
|
| Ahrupa ta thari a thlapa hmô na ta, A pahrâna cha thlai chhie ei sapa. |
|
| 4 |
|
| A sawzy abohna tawhta lâhlapi ta y ei ta, Thokhy chhikao liata phypa châ ei ta, A pachha awpa ahy hmah y veih ei. |
|
| 5 |
|
| Nodipazy ta a kôvei nie khai ei ta, Ahloh hry tawh chhao la ei ta, Dâhphipazy ta a hneirôna ama palâ khai haw. |
|
| 6 |
|
| Vâchhiena he dohlei tawhta a puapa châ leipa ta, Tymâna chhao chhaohlei tawhta a pyuhpa châ vei. |
|
| 7 |
|
| Chyhsapa cha a tymâ awpa ta vaw pih ta, Meihlih hawhta chô lâ â zaw syulyu tyh. |
|
| 8 |
|
| “Kei châ aw sah la cha, Khazohpa tlua aw na ta, A hnohta ei rairuna ei tlôkhei aw. |
|
| 9 |
|
| Ano cha hmo rônahpa nata pahno pha leipazy taotuhpa châ ta, Hmo noâhchhihpa rei tiah leipazy taotuhpa a châ: |
|
| 10 |
|
| Alei chô liata avâ pasuasa ta, Râh liata ti a palosa. |
|
| 11 |
|
| A nawhpazy pasâh ta, Mâchhiesapazy abohna su lâ a chalo tyh. |
|
| 12 |
|
| So piehpiepazy hmochhuahpa parao ta, Ama ku ta hlaotlohna tlôkhei vei. |
|
| 13 |
|
| Piehpiepazy piehpiena patu ta, Aohraohpazy aohraohna thlai ta a pachhâsa. |
|
| 14 |
|
| Nohchhô ta zohna a tyh ei ta, Nohchhô locho ta zâ hawhta ama pathâ. |
|
| 15 |
|
| Piehpiepazy pakah zaozi tawhta dyhchhiepazy pachha ta, Thatlôpazy ku tawhta a pachha ei. |
|
| 16 |
|
| Chavâta sipasazy ta hnabeiseihna hnei ei ta, Adoleina cha hmaomopa ta a y. |
|
| 17 |
|
| “Moh tua, Khazohpa chhoreipa chyhsa cha thlaochhipa ta a y tyh, Chavâta Atotaotheipa chhoreina cha saw ta rei leipa ta y khah y. |
|
| 18 |
|
| Ano cha hmah paphao ta, Chahrypa heih tyh ta; Pasasa ta, A ku ta a patlâh heih tyh. |
|
| 19 |
|
| Tymâna miacharu tawhta cha pachha aw ta, Miasarina liata chhiena ta cha hria aw vei. |
|
| 20 |
|
| Chakâh nota thina tawhta cha pachha aw ta, Adyuhna liata zaozi hmotaotheina tawhta a cha pachha aw. |
|
| 21 |
|
| Bie pha leipa tawhta nyupa châ aw chi ta, Raona a vaw tlô tita chi aw va chi. |
|
| 22 |
|
| Paraona nata chakâhna zy pahneisao aw chi ta, Alei liata sahrâhpazy chi aw va chi. |
|
| 23 |
|
| Râh liata alôzy nata biehrai tao aw chi ta, Râhsazy ta ama châ dyh aw. |
|
| 24 |
|
| Na poh o cha â boh tahpa pahno aw chi ta, Na sahrohzy a ki leipa y aw veih ei. |
|
| 25 |
|
| Na chipathlazy ama hluh ngaita aw tahpa pahno aw chi ta, Na pathlazy cha alei sibiepa hawhta ama châ aw. |
|
| 26 |
|
| Machâ karôpa ta na thlâ nâ ngia aw, A daihti liata sapiah pahmaohpa hawhta. |
|
| 27 |
|
| Moh teh, he hmo he pasia ha pi ta, Â dopa a châ. Nathlie la, pahno mah y, Na pha nawpa a châ hih,” tah ta. |
|
|
|
|