|
| 1 |
|
| [1-2] मेरा दु:ख र कष्टहरू तराजुमा जोख्न पाए, |
|
| 2 |
|
|
|
| 3 |
|
| समुद्रका बालुवाभन्दा पनि ती गह्रौं हुनेथिए। यसैले मेरो रूखो बोलीमा अचम्म नमान्नुहोला। |
|
| 4 |
|
| सर्वशक्तिमान् परमेश्वरले आफ्नो काँड ममा रोप्नुभएको छ। त्यसको विष मभित्र छरिएको छ, मलाई भयभीत पार्ने परमेश्वरका डरलाग्दा कुराहरू मेरा विरुद्धमा लहरै खडा छन्। |
|
| 5 |
|
| घाँस खान पाए गधा सन्तुष्ट हुन्छ, पराल खान पाए गोरु चुप लाग्छ। |
|
| 6 |
|
| तर कसले खल्लो, अलिनो खाना खान सक्छ? फुलको सेतो भागमा के स्वाद हुन्छ र? |
|
| 7 |
|
| त्यस्तो खाना खाने मलाई रुचि छैन। यस्तो कुराले मलाई बिरामी बनाउँछ। |
|
| 8 |
|
| मैले मागेका कुरा मलाई परमेश्वरले किन दिनुहुन्न? किन मेरा प्रार्थनाको उत्तर उहाँले मलाई दिनुहुन्न? |
|
| 9 |
|
| उहाँले अघि बढेर मलाई मार्नुभए त हुनेथियो! |
|
| 10 |
|
| त्यसो हुँदो हो त जति कष्ट भए पनि म आनन्दले उफ्रने थिएँ। म जान्दछु परमेश्वर पवित्र हुनुहुन्छ; मैले कहिल्यै परमेश्वरको आज्ञाको विरोध गरेको छैनँ। |
|
| 11 |
|
| ममा अब केही बल छैन, म किन बाँचिरहूँ? मलाई केहीको आशा छैन, म किन धैर्य धारण गरूँ? |
|
| 12 |
|
| के म ढुङ्गाले बनेको हुँ? के मेरो शरीर काँसाको हो? |
|
| 13 |
|
| आफैंलाई बचाउने बल ममा छैन; सहायता पाउने उपाय कतै पनि छैन। |
|
| 14 |
|
| मैले परमेश्वरलाई त्यागेको पनि वा नत्यागे पनि यस्तो दु:खको समयमा मलाई साथ दिने साथी चाहिन्छ। |
|
| 15 |
|
| तर हे मेरा मित्र हो, वर्षा नभएर खहरे खोलाहरू सुकेझैँ तपाईंहरू मलाई धोका दिनुहुन्छ। |
|
| 16 |
|
| ती खोलाहरूमा हिँउ पग्लेर भल आउँछ। |
|
| 17 |
|
| तर गरमका दिनमा ती खोलाहरू सुकेर हराउँछन्। अनि खोला बगेका ठाउँ खुल्ला र उजाड हुन्छन्। |
|
| 18 |
|
| यात्रीका दलहरू पानी खोज्दाखोज्दै हराउँछन्। तिनीहरू उजाड-स्थानमा यताउति हिँड्दा-हिँड्दै मरिजान्छन्। |
|
| 19 |
|
| शेबा र तेमाका यात्रीहरूले पानी खोज्दछन्। |
|
| 20 |
|
| तर तिनीहरूका आशा सुख्खा खहरे खोलामा पुगेर मर्छ। |
|
| 21 |
|
| तपाईंहरू मेरो निम्ति ती खहरे खोलाझैँ हुनुहुन्छ, मेरो दूर्गति देखेर तपाईंहरू डरले भाग्नुहुन्छ। |
|
| 22 |
|
| के मैले तपाईंहरूसँग केही कुरा मागें? वा मेरो निम्ति कसैलाई “घुस दिनुहोस्” भनें? |
|
| 23 |
|
| वा त कुनै शत्रु वा अत्याचारीका हातबाट मलाई बचाउनुहोस् भनें? |
|
| 24 |
|
| ठीक छ? लौ त मलाई शिक्षा दिनुहोस्; मलाई मेरो दोष देखाइदिनुहोस्। म चुप लाग्नेछु र सुन्नेछु। |
|
| 25 |
|
| सत्य कुरा विश्वास गर्न सकिन्छ। तर तपाईंहरूका कुराको केही अर्थ नै छैन। |
|
| 26 |
|
| मेरा कुरा हावा मात्र हुन् भनी तपाईंहरू ठान्नुहुन्छ भने किन मेरा ती निराशाका कुराको जवाफ तपाईंहरू दिनुहुन्छ? |
|
| 27 |
|
| टुहुरा कमारा-कमारीको बाजी राखेर तपाईंहरू जुवा खेल्नुहुन्छ। नजिकका साथीहरूबाट पनि नाफा खोज्नुहुन्छ! |
|
| 28 |
|
| त अब मेरो मुखमा हेर्नुहोस्। म झूट बोल्दिनँ। |
|
| 29 |
|
| तपाईंहरूले धेरै भन्नुभयो। साह्रै अन्याय भयो। मलाई नदोष्याउनुहोस्। यहाँ मेरो इमानदारीताको पनि प्रश्न छ। |
|
| 30 |
|
| म झूट बोल्दैछु भनी तपाईंहरू सोच्नुहुन्छ। के मैले साँचो र झूटो ठम्याउन सक्दिनँ र? |
|
|
|
|