Quink'oyi' chak'ab quinna' chi man coc'ow ta ri jun ak'ab; quincos che u solcopilaxic wib c'ä cäpe na ri sak xe' ri caj, quinchomaj c'ut: ¿Jampa' lo quinwalijic?
Jacha' sutz' ri coc'owic cäsach c'ut, jewa' ri cakaj pa ri u julil cäminak: mawi jumul catzelej chi ulok chila', ri e rachalaxic mawi jumul caquil chi na u wäch.
Rumal ri' man cuya' taj chi ma ta c'o jas quinbij. Chupam ri nu k'oxomal xukuje' ri c'ayil ri in c'o wi quinya' qui bixic tak ri quinna' pa ri wanima'.
We quinmacunic, ¿jas ta ri' ri latz' quinya' che la, chajil quech ri achijab? ¿Jasche in ri quinq'uiak la cuc' tak ri e ch'ab la? ¿La xa pa u in jun eka'n che la?
¿La ma ta cacuin la cäsach la ri nu mac? ¿Jasche man caq'uiak ta la bic ri lawaloyil ri nu banom? Chanim quineliq'uebax chupam ri puc'uc' ulew: quintzucuj la, man c'u in c'o ta chic.”