Adamawa 1994
|
| 1 |
| Nden Bildad Suhiijo wi'i: |
| 2 |
| Ndey accata wolwugo irin maajum? Haa ndey accata wolwugo bolle caatuɗe bana henndu saatundu? |
| 3 |
| A tammi Allah sannji dookaaji kiita na? A tammi Allah Baawɗo wayliti kiita ngooŋɗuka na? |
| 4 |
| To ɓiɓɓe ma mbaɗi hakke dow Allah, ɓe keɓi ngeenaari zunuuba maɓɓe. |
| 5 |
| Ammaa an, to a ɗakkotiran bee Allah, to a toroto Allah Baawɗo, |
| 6 |
| to a walaa feloore, to a darnuɗo, fakat o ummoto haa o walle, o mo'ina joonde ma bana naane. |
| 7 |
| Nden ndaarata fuɗɗam ma bana peetum, haa timmoode maaɗa a maran ɗuuɗɗum. |
| 8 |
| Sey a heɗito yimɓe ɓooyma, ko kaakiraaɓe maɓɓe keɓti, anndu ɗum! |
| 9 |
| Enen, en neeɓaay haa duniyaaru ndu'u! Walaa ko en anndi, balɗe meeɗen haa lesdi, ɗum ɗowdi tan. |
| 10 |
| Ammaa kamɓe, ɓe ekkitinte, ɓe anndinte ɗum ko ɓe anndi bee kirseeku maɓɓe: |
| 11 |
| Kewe mawnan to walaa waalowol na? Tolooje mawnan to ndiyam walaa na? |
| 12 |
| Kanje ɗe aartan koo huɗo yoorugo, koo ɗe kecce, koo walaa pe'uɗo ɗe. |
| 13 |
| Kanjum heɓata yejjitanɓe Allah, non tammunde kalluɗo halkirta. |
| 14 |
| Haala tammunde maako wonnoto, nde nanndi bee cannyudi. |
| 15 |
| To o ɓaarake suudu maako, ndu yibban, to o feɗi dow maaru, ndu yibban. |
| 16 |
| Bana lekki keewki ndiyam gonki haa naaŋge, lice maaki ɗon caalo jarne fuu, |
| 17 |
| ɗaɗi maaki ɗon laya caka waagaare kaa'e, caka kaa'e ki yiɗi naŋgtugo. |
| 18 |
| To ɓe ɗoofi ki diga pellel man, pellel man yeddan ki, wi'an: “Mi meeɗaay yi'ugo ki sam.” |
| 19 |
| Kanjum tan woni seyo maaki fuu, haa pellel maaki boo, leɗɗe goɗɗe puɗan. |
| 20 |
| Aa'a, Allah wudintaa adiliijo. O wallataa kalluɗo. |
| 21 |
| Allah wartiran seyo ɓernde ma, haa a jala, a heewa welwelo. |
| 22 |
| Ammaa wanyɓe ma keewan semteende, cuuɗi halluɓe mbilan. |
| Hisnu Teskorɗe |
https://beblia.bible:81/BibleAudio/fulfuldeadamawa/job/008.mp3
42
8