|
| 1 |
|
| Kiwol anyun Job kole, |
|
| 2 |
|
| Angen iman ale u noto: Ago imuktoi ano chito koek ne bo iman eng’ taitab Kamuktaindet? |
|
| 3 |
|
| Ngot kochamei chichoto kobelgei ak inendet, Ko maimuchi kowolji agot ng’olyot eng’ elfut. |
|
| 4 |
|
| Ng’om inendet eng’ muguleldo, ak kotinyei kamuktaet eng’ kimnatet: Ng’o ne kigouuiitgei eng’ tainnyi, ak kobor? |
|
| 5 |
|
| Ne iuutoi tulonok, ama naei ichek, Ye igabui ichek eng’ neregekyik. |
|
| 6 |
|
| Ne kitumdumi ng’onyut, koistogei eng’ komostanyi, Ak kobotanso tolochikyik. |
|
| 7 |
|
| Ne ng’atei asista, si machor; Ne indoi ng’okset kecheik. |
|
| 8 |
|
| Inendet inegei ne iitoi kipsengwetisiek, Ak kotiechei beek che mildogei che bo nyanjet. |
|
| 9 |
|
| Ne yaei kecheik che u Tiondo, Kapsomoguk, ak Koremerik, Ak gorik che mi murot ne bo tai. |
|
| 10 |
|
| Ne yaei tuguk che eechen che ma naaksei; Ee, tuguk che kikwong’e che maiitoksei. |
|
| 11 |
|
| Keero, bunei ye negitena, amageere inendet: Siirtoi kogeny, amanyiti. |
|
| 12 |
|
| Keero, namei, ak ng’o ne ete? Ng’o ne mwachin kolenjin, Iyae nee? |
|
| 13 |
|
| Maistoi Kamuktaindet neregekyik; Ing’uruksei toretikab Rahab eng’ kelyekyik. |
|
| 14 |
|
| Ngo u noto, amuchi ane awoljindo ano, Ak alewen ng’alekyuk che kimwae ak inendet? |
|
| 15 |
|
| Ne agot ngo a bo iman, ko mawoljini inendet; Asaisai bunyondennyu. |
|
| 16 |
|
| Nda kiga aguur, ak kowolwa; Ta ma ayani ale kigogas kutinnyu. |
|
| 17 |
|
| Amu tuena usonet ne o, Ak kotesei mookyuk buch. |
|
| 18 |
|
| Machamwa abus, Ago inyiita ng’wanindo. |
|
| 19 |
|
| Ngeng’alal agobo kimnatetab kamuget, keero, mi oloto inendet, Ak ngot ko bo kiruoget, ko ng’o ne chobwa betut? |
|
| 20 |
|
| Agot ngo a bo iman, koruokwa kutinnyu: Agot ngo agesunotge, kobaorianjina kole a ne imaasat. |
|
| 21 |
|
| Agesunotge; maiitige; Asase sobennyu. |
|
| 22 |
|
| Agenge tugul; amwae anyun ale, Ng’emei ne igesunotgei ak ne sogoran. |
|
| 23 |
|
| Ngot kobaris biret kochokyi, Kororechin anyun tiemisietab che matinyei lelut. |
|
| 24 |
|
| Kiginde ng’onyuni eunekab kiptengeginik: Tuchei togochikab kiruogikyik; Ngot ko ma inendet, ko ng’o anyun? |
|
| 25 |
|
| Ruaei betusiekyuk kosiir ne kiyoktoi: Mweei, mageerei kit ne mie. |
|
| 26 |
|
| Kagosiirto ko u melisiek che ruaei: Ko u kipsichit ne chorjingei tiondo ne machei kobar. |
|
| 27 |
|
| Ngot amwa ale, Autie kang’unyng’ung’ennyu, Amete arogenennyu, ak abaibaitu: |
|
| 28 |
|
| Aiywei arogenosiekyuk tugul, Angen ale meityina ile matinye lelut. |
|
| 29 |
|
| Kiruokwa; Amu nee anyun si aiimge buch? |
|
| 30 |
|
| Agot ngaunege beekab teluchi, Ak atilil eunekyuk mising’; |
|
| 31 |
|
| Agot ngo u noto iwirjina keringet, Ak kowecha ngoroikyuk. |
|
| 32 |
|
| Amu inendet ko ma chi, ko u ane, ne awoljini, Kot ketuiye kibagenge eng’ kiruoget. |
|
| 33 |
|
| Amu mami ne ioitosech, Si kobiit kogonoorech eunekyik achek tuwai. |
|
| 34 |
|
| Ingoistoena kiroktanyi, Amat komua kamuisennyi. |
|
| 35 |
|
| Si ang’alal anyun, amaiywei inendet; Amu ane, ko ma u noto eng’ orinnyu. |
|
|
|
|