Ika Bible 2018
|
| 1 |
| M jẹnkọ nwan d'a bụ ẹbụ banyeni ihiẹn-ọsụsụọ lẹ imẹ ihiẹn furuni; ịyụ Osolobuẹ, kẹ m jẹnkọ d'a bụn'a. |
| 2 |
| M k'e dọnrin ẹnya bi obibi nwọnlẹni nkọrịanị. Elee mgbe kẹ y'a bịa d'e kunrun m? M k'e gi obi kụrụ ọtọ bi iwe m. |
| 3 |
| Anịkọ m wẹ mẹ ihiẹn ọwụlẹ rịlẹni mma ihun m; obibi ndị rị a gbakitọ Osolobuẹ azụụn e ze m ize; onwọnni ihiẹn m gi wẹ e mẹ. |
| 4 |
| Erokọ m ihiẹn ọwụlẹ rịlẹni mma, ọsọ kẹ m'a gban'a; ebuchekọ m ẹka eje-ihiẹn. |
| 5 |
| Omẹni ịhịan e kuja oku ibe ẹ azụụn a, m k'e tikpọ a; omẹni ịhịan a pache apache, e mẹkarị enwẹn ẹ, eyekọ m'a efe. |
| 6 |
| Ndị ezioku rị alị kẹ m'e kweri nị wẹ sọn m biri. Onyẹ e bi obibi nwọnlẹni nkọrịanị nwọn rụnnị m ọrụn. |
| 7 |
| Onwọnni onyẹ ghalẹni e ku ezioku k'e bi iwe m; onyẹ-ntụ agbọrịkọ ihun m. |
| 8 |
| Ụhụọhịn-ụhụọhịn kẹ m k'e gi e tikpọ ndị-ejẹ rị alịnị, d'e ru n'e gbupụchanrịn m ndị-njọ ile rị obodo Osolobuẹ. |
| Save Notes |
https://beblia.bible:81/BibleAudio/ika/psalms/101.mp3
150
101