×

Bukuit Ne Tilil RV 2015

TIENWOGIKAL 101

1
Atyeni agobo rireenet ak kirwooget, ee Kamuktaindet ne Toroor, atyenun kalasunoik.
2
Atebye komyee eng' ng'omnateet eng' ooreet ne ititaat. Ee, inyonjino au? Awendotee muguleldo ne ititaat eng' koonnyu.
3
Mandoi anee taitap konyekyuk kiy age tugul ne ya. Aweche poisyetap icheeget che mastoi; ma nama nooto.
4
Istoenage muguleldo ne mastaat; ma mage kiy anai kiy age tugul ne ya.
5
Ang'eme age tugul ne chaamoti chiitap kokwennyu eng' ung'oot; ma muitochini menotyo, chiito ne meenei muguleldanyi.
6
Keerei konyekyuk piik che po iman eng' emet, si komeny icheek kobooton; ineendet ne wendoti eng' ooreet ne ititaat, koboisyeiwo nooto.
7
Ma menyei koonnyu ineendet ne yaei ng'aalseet; ma kimiitu eng' tainnyu ineendet ne mwaei lembech.
8
Ang'eme karonet age tugul kiptengeginik tugul che po emet; si kobiit aisto yaik tugul che po tengekto eng' nganaseetap Kamuktaindet ne Toroor.
Kalenjin Revised Bible 2025
Kalenjin Revised Bible Catholic Edition Bible Society of Kenya, 2015
:
Save Notes