MUMA MALER 1976
|
| 1 |
| Wer ma aweroni, loso kuom ng’wono kod adiera, kendo in ema aweronigo, A Ruoth Nyasaye. |
| 2 |
| Abiro keto chunya mondo atim tim makare. To ibiro biro ira karang’o? Abiro bedo gi ngima modimbore e oda. |
| 3 |
| Adier, abiro bet mabor gi richo. Asin gi timbe joma weyo Nyasaye, kendo ok nariwra kodgi kata matin. |
| 4 |
| Ok nabed jamganga ngang’ bende kata mana paro timo richo ok napar. |
| 5 |
| Anatiek ng’ato ang’ata maketho nying wadgi gi weche maricho, kendo ok nayie gi ng’at ma jasunga mochayo ji. |
| 6 |
| Anayie mana gi jogo ma oluoro Nyasaye, kendo anawe gidag koda. Ng’at ma jaadiera chutho ema nobed jatichna. |
| 7 |
| Onge ng’at ma jawuondre ma nodag e oda, kendo ok nane jamriambo e wang’a. |
| 8 |
| Odiechieng’ kodiechieng’ ananeg joricho e pinya. Anariemb joma timbegi mono duto e dala Ruoth Nyasaye. |
| Ket weche mandiki |
https://beblia.bible:81/BibleAudio/luo2015/psalms/101.mp3
150
101