×

أَتَّوْرَتْ دَ أَنَّبَاوَا 2020

Zabura 102

1
جِ أَدُّعَتَ، يَا يَهْوٜىٰهْ ، بَرِ كُوكَنَ يَذُواْ غَرٜىٰكَ!
2
كَدَ كَٻُواْيٜىٰ ڢُسْكَرْكَ دَغَ غَرٜىٰنِ لُواْكَثِنْ دَ نَكٜىٰ شَنْ وَهَلَ! كَكَسَ كُنّٜىٰ غَرٜىٰنِ، سَعَدَّ نَيِ كِرَا، أَمْسَ مِنِ دَ سَوْرِ!
3
غَمَا ݣُونَكِنَ سُنَ ٻَثٜىٰوَ كَمَرْ هَيَاڧِے، ڧَسُسُوَنَ سُنَ ڧُونَ كَمَرْ وُتَا؞
4
ذُوثِيَاتَ تَا كَمُ دَ ثِيوُاْ، تَذَمَ كَمَرْ ثِيَوَرْ دَ تَبُوشٜىٰ، بَانِ مَا دَ مَرْمَرِنْ ثِنْ عَبِنْثِ؞
5
إِنَ نِيشِ دَ ڧَرْڢِے سَبُواْدَ وَهَلَ، ڢَتَرْ جِكِينَ تَمَنّٜىٰوَ ڧَسُسُوَنَ؞
6
نَذَمَ كَمَرْ ڟُنْڟُنْ دَاجِنْ يَشِ، كَمَرْ مُجِيَ عَكُڢَيْ؞
7
نَݣُونَ عِدُواْنَ عَبُوطٜىٰ، نَذَمَ كَمَرْ ڟُنْڟُ أَ سَمَنْ طَاكِ، ڟُنْڟُنْ دَيَكٜىٰ شِ كَطَيْ بَابُ مَيْ تَعَظِيَّ؞
8
أَبُواْكَنْ غَابَنَ سُنَ ذَاغِنَ دُكَنْ يِنِ، مَاسُ مِنِ بَعَ سُنْ مَيْدَ سُونَنَ أَبِنْ يِنْ لَعَنَ؞
9
نَكَنْ ثِتُواْكَ كَمَرْ عَبِنْثِنَ، نَكَنْ غَوْرَايٜىٰ أَبِنْ شَانَ دَ هَوَيٜىٰنَ،
10
كَطَوْكٜىٰنِ كَجٜىٰڢَرْ دَنِے، دُكْ سَبُواْدَ ڢُشِنْكَ دَ ذَاڢِنْ رَنْكَ؞
11
ݣُونَكِنَ سُنَ وُثٜىٰوَ كَمَرْ إِنُوَرْ يَمَّ، نَبُوشٜىٰ كَمَرْ ثِيَوَ؞
12
عَمَّا كَيْ، يَا يَهْوٜىٰهْ ، مَيْ كُجٜىٰرَرْ مُلْكِ حَرْ أَبَدَا، ذَاعَ تُنَ دَ سُونَنْكَ دَغَ ڟَارَا ذُوَا ڟَارَا؞
13
كَيْ ذَاكَ تَاشِ كَجِ تَوْسَيِنْ سِهِيُواْنَ، غَمَا لُواْكَثِنْ أَلْحٜىٰرِنْتَ يَيِ، لُواْكَثِنْدَ كَشِرْيَ يَذُواْ؞
14
غَمَا بَايِنْكَ سُنَ دَرَجَرْتَ دُووَڟُنْ غِنِنْتَ، سُنَ تَوْسَيَ وَڧُورَرْ ڧَسَرْتَ؞
15
يَا يَهْوٜىٰهْ ، أَلْعُمَّيْ ذَاسُ جِڟُواْرُوانْ سُونَنْكَ، دُكَنْ سَرَاكُنَنْ دُونِيَا ذَاسُجِڟُواْرُوانْ طَوْكَكَرْكَ؞
16
غَمَا يَهْوٜىٰهْ ، ذَاكَ غِنَا سِهِيُواْنَ، ذَاكَ بَيَّنَ ثِكِنْ طَوْكَكَرْكَ؞
17
ذَاكَ جُويَا كَجِ أَدُّعَرْ مَرَسَ ڧَرْڢِے، بَذَاكَ ڨَلٜىٰ أَدُّعَرْسُبَ؞
18
بَرِ أَ رُبُوتَ وَنَّنْ دُواْمِنْ ڟَارَا مَيْ ذُوَا، دُواْمِنْ جَمَعَرْ دَ بَعَحَلِثّٜىٰتَبَ تَيَبِے يَهْوٜىٰهْ ،
19
ثٜىٰوَ يَهْوٜىٰهْ يَكَنْ دُوبَ ڧَسَا دَغَ وُرِنْسَ مَيْ ڟَرْكِے أَ سَمَ، دَغَ سَمَ يَكَنْ دُوبِے ڧَسَا،
20
دُواْمِنْ يَجِ نِيشِنْ یَنْ كُرْكُكُ، يَسَكِ وَطَنْدَ عَكَ ڧَدَّرَ ذَاسُ مُتُ؞
21
أَ رُبُوتَ وَنَّنْ دُواْمِنْ عَيِ شٜىٰلَرْ سُونَنْسَ سُونَنْ يَهْوٜىٰهْ أَ سِهِيُواْنَ، يَبُوانْسَ كُوَ عَثِكِنْ عُرُوشَلِيمَ،
22
سَعَدَّ ڧَبِيلُ سُكَ تَتَّارُ، مُلْكُواْكِ كُمَ دُواْمِنْ سُيِ وَ يَهْوٜىٰهْ سُجَّدَ؞
23
يَضَغٜىٰ مِنِ ڧَرْڢِے كَاڢِنْ ڟُوڢَتَ، يَيَنْكٜىٰ مِنِ يَوَنْ ݣُونَكِنَ؞
24
نَثٜىٰ «يَا اللَّهْ نَا، كَدَ كَطَوْكٜىٰنِ أَڟَكِيَرْ ݣُونَكِنَ، كَيْ دَ شٜىٰكَرُنْكَ دَغَ ڟَارَا ذُوَا ڟَارَا سُكٜىٰ؞
25
تُنْدَا ثَنْ كَكَڢَ دُونِيَا، سَمَّيْ كُمَ عَيْكِنْ حَنُّنْكَ نٜىٰ؞
26
ذَاسُ شُوطٜىٰ، عَمَّا كَيْ كَنَنَنْ، دُكَنْسُ كَمَرْ رِغَا ذَاسُ ڟُوڢَ، ذَاكَ ثَنْجَسُ كَمَرْ رِيغُنَ، ذَاسُ كُمَ ٻَثٜىٰ؞
27
عَمَّا كَيْ دَيْ بَاكَ ثَنْجَاوَا، شٜىٰكَرُنْكَ بَاسَ ڧَارٜىٰوَ؞
28
یَیَنْمُ بَايِنْكَ ذَاسُ ذَوْنَ لَاڢِيَ، ذُرِيَرْسُ كُمَ سُكَڢُ أَغَبَنْكَ؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula