×

أَتَّوْرَتْ دَ أَنَّبَاوَا 2020

Zabura 104

1
يَبِے يَهْوٜىٰهْ ، يَا رَيْنَ! يَا يَهْوٜىٰهْ اللَّهْ نَا، كَيْ مَيْغِرْمَ نٜىٰ سُواْسَيْ! كَا سَنْيَ وَكَنْكَ دَرَجَ دَ طَوْكَكَ،
2
كَا يَاڢَ حَصْكٜىٰ كَمَرْ بَبَّرْ رِغَا؞ كَا شِمْڢِطَا سَمَّيْ كَمَرْ تٜىٰنْتِ؞
3
كَا غِنَا وُرِنْ ذَمَنْكَ عَبِسَنْ ضُوَيٜىٰنْ سَمَ، كَا مَيْدَ غِذَغِظَيْ كٜىٰكٜىٰنْ تَڢِيَرْكَ، كَا هَوْ ڢِكَڢِكَنْ إِسْكَ كَنَ تَڢِيَ؞
4
كَا مَيْدَ إِسْكَ طَنْ عَيْكَنْكَ، هَرْشٜىٰنْ وُتَا كُمَ مَيْ حِدِمَرْكَ؞
5
كَا كَڢَ دُونِيَا عَكَنْ تُوشٜىٰنْتَ دَرَمْ حَرْ أَبَدَا أَبَدِنْ؞
6
كَا سَا تٜىٰكُ تَرُڢٜىٰ دُونِيَا كَمَرْ رِغَا، ضُوَيٜىٰ سُڟَيَ بِسَنْ مَنْيَنْ تُدَّيْ؞
7
دَجِنْ ڟَاوَتَرْوَرْكَ ضُوَيٜىٰ سُكَ غُدُ، دَ جِنْ مُرْيَرْ ڟَاوَرْكَ سُكَ رُوغَ أَغُجٜىٰ،
8
سُكَ هَوْرَ سُكَ رُڢٜىٰ تُدَّيْ، سُنَ غَنْ‌غَرُواْوَ ذُوَا ݣُورِ ذُوَا عِنْدَ كَكَڢَ مُسُ؞
9
كَا كَڢَ إِيَاكَرْ دَ بَذَاسُ ڧٜىٰتَرٜىٰ بَ، بَذَاسُ سَاكٜىٰ رُڢٜىٰ دُونِيَا بَ كُمَ؞
10
كَا سَا مَٻُٻُّغَرْ ضُوَ سُٻُلْٻُلُّواْ ثِكِنْ ݣُورِ، ضُوَيٜىٰ سُنَ غُدُ ڟَكَانِنْ مَنْيَنْ تُدَّيْ،
11
سُنَ بَا نَمُواْمِنْ دَاجِ ضُوَ، عِنْدَ جَاكُنَنْ دَاجِ سُكٜىٰ كَشٜىٰ ڧِشِنْ ضُوَنْسُ؞
12
عَبَاكِنْ ضُوَيٜىٰ، ڟُنْڟَيٜىٰنْ سَرَرِنْ سَمَ سُكٜىٰيِنْ ذَمَنْسُ، أَڟَكَانِنْ غَنْيَيٜىٰ سُكٜىٰيِنْ وَاڧُواْڧِنْسُ؞
13
دَغَ مَظَوْنِنْكَ أَ سَمَ كَنَ بَا مَنْيَنْ تُدَّيْ ضُوَ، ڧَسَا تَا ڧُواْشِ دَ أَلْبَرْكُنْ عَيْكِنْكَ؞
14
كَا سَا ثِيَوَ تَيِ غِرْمَ دُواْمِنْ شَانُو، ڟِرٜىٰ ڟِرٜىٰ دُوانْ أَمْڢَانِنْ مُتُمْ يَسَامِ عَبِنْثِ دَغَ ڧَسَا،
15
دَ ضُوً إِنَبِے دُوانْ أَ ڢَرَنْتَ وَمُتُمْ ذُوثِيَا، دَ مَيْ دُوانْ أَ حَصْكَكَ ڢُسْكَرْسَ، دَ عَبِنْثِ دُوانْ عَڧُواْسَرْدَ رَنْ مُتُمْ؞
16
عِتَتُوَنْ يَهْوٜىٰهْ سُنْ ڧُواْشِ دَ ضُوَ سُواْسَيْ، عِتَتُوَنْ سٜىٰدَ نَ لٜىٰبَنُوانْ دَ يَشُوكَ،
17
عِنْدَ ڟُنْڟَيٜىٰ سُكٜىٰ سَاڧَ غِدَاجٜىٰنْسُ، شَمُوَ تَيِ غِدَنْتَ عَ إِتَاثٜىٰنْ ڢِرْ؞
18
مَنْيَنْ تُدَّيْ نَأَوَكِنْ دَاجِ نٜىٰ، ڟَٰغَغُنْ دُووَڟُنْ وُرِنْ ٻُيَنْ رٜىٰمَ نٜىٰ؞
19
كَايِ وَتَ دُوانْ نُونَ لُواْكَتَيْ، رَانَ كُمَ تَسَنْ لُواْكَثِنْ ڢَاطُوَرْتَ؞
20
كَكَنْيِ دُهُ دَرٜىٰ كُمَ يَذُواْ، لُواْكَثِنْ دَ نَمُواْمِنْ دَاجِ سُكَنْ ڢِتُواْ أَ مَڧٜىٰ؞
21
ذَاكُواْكِ مَاسُ ڧَرْڢِے سُكَنْيِ رُورِ أَ ڢَرَوْتَرْسُ، سُنَ نٜىٰمَنْ عَبِنْثِ دَغَ وُرِنْ اللَّهْ ؞
22
رَانَ تَكَنْ ڢِتُواْ، سَيْ سُكُواْمَ سُݣُونْتَ أَ رَامِنْ ذَمَنْسُ؞
23
طَنْ ءَادَمُ كُمَ يَكَنْ ڢِتَ عَيْكِنْسَ، يَكَنْيِ تَڢَامَرْسَ حَرْ يَمَّ؞
24
يَا يَهْوٜىٰهْ ، إِنَا مِصَالِنْ يَوَنْ أَيُّكَنْكَ، ثِكِنْ حِكِمَ كَايِسُ دُكَ! دُونِيَا ثِكٜىٰ تَكٜىٰدَ حَلِتُّنْكَ؞
25
غَا تٜىٰكُ ثَنْ، مَيْ ڢِيلِ دَ غِرْمَ ثِكٜىٰ دَ حَلِتُّنْ دَ سُكَڢِے غَبَنْ ڧِرْغٜىٰ، مَاسُ رَيْ، مَنْيَ دَ ڧَنَانَا؞
26
غَا جِضَاغٜىٰنْ ضُوَ مَاسُ كَيْ دَ كَٰوُاْوَ؞ غَا دُواْدُوانْ ضُوًنَنْ لٜىٰبِيَتَنْ وَنْدَ كَيِ دُواْمِنْ يَيِ وَسَ عَثِكِنْ ضُوً؞
27
دُكَنْسُ سُنَ ظُبَ عِدُواْ غَرٜىٰكَ نٜىٰ دُوانْ كَبَاسُ عَبِنْثِنْسُ أَدَيْدَيْ لُواْكَثِ؞
28
إِنْ كَابَاسُ، سَيْ سُتَارَ، إِنْ كَابُوطٜىٰ حَنُّنْكَ، سَيْ سُڧُواْشِ دَݣَوْ؞
29
إِنْ كَاٻُواْيٜىٰ ڢُسْكَرْكَ، سَيْ سُجِڟُواْرُواْ، إِنْ كَاطَوْكٜىٰ نُمْڢَشِنْسُ، سَيْ سُمُتُ سُكُواْمَ تُرْٻَيَا عِنْدَ سُكَ ڢِتُواْ؞
30
إِنْ كَاسَاكٜىٰ عَيْكَ دَ نُمْڢَشِنْكَ، سَيْ سُحَلِتُّو، كَكَنْ كُمَ سَابُنْتَا ڢُسْكَرْ ڧَسَا؞
31
بَرِ طَوْكَكَرْ يَهْوٜىٰهْ تَدَوَّمَ حَرْ أَبَدَا! بَرِ يَهْوٜىٰهْ كُمَ يَيِ ڢَضٍ ثِكِ دَ أَيُّكَنْسَ،
32
شِے وَنْدَ إِنْ يَدُوبِے دُونِيَا، سَيْ تَغِرْغِظَ إِنْ يَتَٻَ مَنْيَنْ تُدَّيْ، سَيْ سُڢِتَرْدَ هَيَاڧِے؞
33
ذَنْ رٜىٰرَ وَاڧَا غَ يَهْوٜىٰهْ دُكَنْ رَايُوَتَا، ذَنْ رٜىٰرَ يَبُواْ غَ اللَّهْ نَا مُدِّنْ رَيْنَ؞
34
بَرِ تُنَانِنَ يَڢَرَنْتَ مَسَ رَيْ، نِے كُوَ ذَنْيِ ڢَضٍ ثِكِ ثِكِنْ يَهْوٜىٰهْ ؞
35
بَرِ مَاسُ ذُنُوبِ سُٻَثٜىٰ دَغَ دُونِيَا مَاسُ مُغُنْتَا كُمَ كَدَ أَ سَاكٜىٰ غَنِنْسُ! يَبِے يَهْوٜىٰهْ ، يَا رَيْنَ! يَبِے يَهْوٜىٰهْ!
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula