×

Ika Bible 2018

Ẹbụ-ọma 107

1
Kpanmịn nị Osolobuẹ, n'ọ rịka mma, o nwọnsọnmẹ ihiẹn-ọsụsụọ jẹnrin ejẹn!
2
Ndị hụn Osolobuẹ gbapụha, wẹ ku ẹ, ndị ahụn ọ gbapụha ẹka eṅẹnrẹn;
3
ndị hụn ọ gha alị ndị-ọzọ wekinhẹn: kẹ ibe ọwụwa ẹnyanwụn kẹ ibe ọdịdan ẹnyanwụn kẹ alị ndị rị ẹbamịn-ugu kẹ ndị rị ibẹka Ohimin!
4
O nwọn ndị te rị a wahunmẹ imẹ atụ nwọnlẹni ihiẹn rịn'a, ahụnnị wẹ ụzọ ọwụlẹ pụ obodo ọwụlẹ w'e bi.
5
Ẹgụn ihiẹn-oriri lẹ ẹgụn-mirin hụ a gụn wẹ, e te sụọhịdẹ wẹ.
6
A kpọku wẹ Osolobuẹ imẹ nsọngbu hụ, ọ nọ zụọpụha wẹ imẹ eje-ọnọdị wẹ.
7
Ọ nọ duru wẹ ghashi ụzọ rị mma d'e ru obodo wẹ k'e biri.
8
Wẹ kpanmịn nwan Osolobuẹ makẹ ihiẹn-ọsụsụọ a, lẹ ọrụn-atụmẹnya ọ rụnsọnmẹni ịhịan.
9
O yejun ndị ẹgụn-mirin rị a gụn ẹfọ; o gizikwọ ihiẹn rị mma e yejun ndị ẹgụn ihiẹn-oriri rị a gụn ẹfọ!
10
O nwọnghọ ndị te rị imẹ ishi lẹ ụya, ndị rị imẹ afụnfụn lẹ ẹgan,
11
makẹni a pagụọ wẹ oku Chuku, makẹni e lelịagụọ wẹ oku Onyẹ ahụn Kachanrịnnị gwa wẹ.
12
O gi nsọngbu welụa wẹ alị, a dan wẹ, onwọnni onyẹ e yeni wẹ ẹka.
13
Ya wẹ nọ kpọku Osolobuẹ imẹ nsọngbu wẹ, ọ nọ zụọpụha wẹ imẹ nsọngbu wẹ;
14
ọ wepụha wẹ imẹ ishi lẹ ụya ahụn wẹ rị, tibepụchanrịn ẹgan wẹ.
15
Wẹ kpanmịn nwan Osolobuẹ makẹ ihiẹn-ọsụsụọ a, makẹ ọrụn-atụmẹnya ọ rụnsọnmẹni ịhịan.
16
O tikpọpụ ọnụ-mgbọn igwe-bronzu, kpagipụ igwe wẹ gi fidọnsọnmẹ wẹ!
17
Ụfọdụ e zuzu mẹ njọ, afụnfụn nọ bịanị wẹ;
18
ẹfọ nọ kpakinchanrịn wẹ, e ruchanrịn wẹ mgbọngbọn ili.
19
Ya wẹ nọ kpọku Osolobuẹ imẹ nsọngbu wẹ, ọ zụọpụha wẹ imẹ nsọngbu wẹ,
20
o zi oku-ọnụ a, gi ẹ gwọ wẹ ọrịa, zụọpụha wẹ ẹka ọnwụn.
21
Wẹ kpanmịn nwan Osolobuẹ makẹ ihiẹn-ọsụsụọ a, makẹ ọrụn-atụmẹnya ọ rụnsọnmẹni ịhịan.
22
Wẹ chụnyesọnmẹn'ẹ ẹjan w'e gi a kpanmịn a; wẹ yimẹ oro ịghọghọ e ku ihiẹn ndị ọ rụn!
23
Nke ndị hụn gi ụgbọ-mirin a gba elu ohimin, a zụ afịa wẹ elu mirin migbu enwẹn ẹ,
24
wẹ nwẹn a hụnzịghọ ihiẹn Osolobuẹ rụn ebẹhụ, ọrụn atụmẹnya ọ rụn elu Ohimin migbu enwẹn ẹ:
25
k'o dọnmẹ gi oku-ọnụ mẹ okẹn ẹbi kpọma Ohimin, mirin Ohimin e bulimẹ elu.
26
Mirin hụ e bushi ụgbọ ndị ahụn imẹ-elu imẹ-elu, e butuchanrịn wẹ imẹ-imẹ ohimin; obi a nahịnchanrịn wẹ yeni eje-ọnọdị wẹ;
27
wẹ hụ e ruehunmẹ, a danhunmẹ, rịkẹ ndị manya rị a tụ, onwọnzini ihiẹn wẹ marịn wẹ k'e mẹ.
28
Ya wẹ nọ kpọku Osolobuẹ imẹ nsọngbu wẹ, ọ nọ wepụha wẹ imẹ eje-ọnọdị wẹ:
29
ọ kụsị ẹbi ahụn rị a kpọnị, ẹbiri ohimin ahụn e mẹ jụụ.
30
A ghọghọ wẹ nị mirin e mẹ jụụ; o du wẹ ru ebẹhụ wẹ shikọ.
31
Wẹ kpanmịn nwan Osolobuẹ makẹ ihiẹn-ọsụsụọ a, makẹ ọrụn atụmẹnya ọ rụnsọnmẹni ịhịan.
32
Wẹ ja a mma imẹ ozuzu ndị nke ẹ; wẹ ja a mma imẹ ọgwa ndị-isi!
33
O mẹ iyi a tahịchanrịn e họnrin atụ, e gi isi-mirin e họnrin alị-ọkpọnkụn;
34
O wiwi alị te e mẹ ihiẹn ọhụnma, o họnrin alị-nnu e gbu ihiẹn-ugbo, ufiri eje-obibi ndị bin'ẹ.
35
Kanị, o mẹzikwọ atụ e họnrin ọgbọ-mirin, e mẹ alị-ọkpọnkụn a wụrụ isi-mirin,
36
o bu ndị ẹgụn che ebẹhụ biri, a tụn w'a biri;
37
a rụn w'a ugbo, kụn alị vaịnị; gi ẹ rụnpụha ihiẹn ugbo.
38
Ọ gọzi wẹ, a mụba wẹ; ọ nịnị igwe efin wẹ belụa.
39
Kẹ wẹ gbubelụa wẹ, welụa wẹ alị, ghahanị ọbịangbu lẹ nsọngbu lẹ ụya ichẹn-ichẹn,
40
Osolobuẹ nọ welụa ndị-ọkịkị bịangbuni wẹ alị, mẹ wẹ wahunmẹmẹ imẹ atụ ụzọ rịlẹni;
41
kanị ọ gbapụha ndị ụya rị e ri imẹ eje-ọnọdị, mẹ ikpụlọ wẹ ba ụba rịkẹ ihiẹn-uriri.
42
Ndị ezi-omumẹ hụn ihiẹnni, ẹfọ a sụọma wẹ ụsụọ, ndị-mmẹgbu ile e kpumẹ ọnụ!
43
Ndị marịn ihiẹn wẹ rokpọ ihiẹn ndịnị wẹ, wẹ lekpọ ihiẹn-ọsụsụọ Osolobuẹ.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes