×

EƲEGBE BIBLIA 2014

Psalmowo 108

1
Nye dzi dze eme, Mawu, nye dzi dze eme! Madzi ha, maƒo ha vivi. Luʋɔnye, nyɔ!
2
Saŋku kple kasaŋku, minyɔ! Mele agudzedze nyɔ ge!
3
Aƒetɔ, mada akpe na wò le dukɔwo dome. Madzi kafukafuhawo na wò le anyigbadzitɔwo dome.
4
Elabe wò amenuveve kɔ gbɔ dziƒowo ŋu yi; wò nuteƒewɔwɔ yi ɖatɔ alilikpowo.
5
Mawu, na woakɔ wò ɖe dzi agbɔ dziƒowo ŋu! Na wò ŋutikɔkɔe naxɔ anyigba blibo la katã dzi!
6
Be woaɖe wò ame siwo nèlɔ̃ vevie la; tsɔ wò nuɖusi kpe ɖe mía ŋu, eye nàɖo tom.
7
Mawu do ŋugbe le eƒe kɔkɔeƒe la be: “Makpɔ dzidzɔ ama Sixem, eye mama Sukot-bali la hã me.
8
Gilead nye tɔnye; Manase nye tɔnye; Efrayim nye nye gakuku; Yuda nye nye fiatikplɔ.
9
Nye tsileze nye Moab. Maɖe nye afɔkpa aƒu gbe ɖe Edom. Mado dziɖuɣli ɖe Filistitɔwo ta.”
10
Ame ka akplɔm ayi du sesẽ la mee? Ame kae akplɔm aɖo Edom?
11
Mawu, ɖe menye wòe gbe mí oa? Mawu, mègahona kple míaƒe aʋakɔwo o ɖe!
12
O, na kpekpeɖeŋu mí ɖe ketɔ la ŋu! Elabe amegbetɔ ƒe kpekpeɖeŋu mele ɖeke me o.
13
Ne Mawu le mía dzi la, míawɔ kalẽ; eyae afanya míaƒe ketɔwo kple afɔ.
Ewe Bible 2014
EƲEGBE BIBLIA The Bible Society of Togo, 2014
:
Save Notes