Ika Bible 2018
|
| 1 |
| Euu Chuku, a kwademẹgụọ m obi m! M k'e gi obi m ile bụ ẹbụ, kpọ egu! |
| 2 |
| Ụbọ mmaka lẹ ụbọ-layẹ, tẹnhin ni! M k'a kpọtiẹndẹ ụtụntụn! |
| 3 |
| Osolobuẹ, m k'a kpanmịn ị imẹ alị ndị ọzọ; m k'a kpọn'ị egu imẹ alị ndị ọzọ. |
| 4 |
| Makẹni ihiẹn-ọsụsụọ ị kadẹ igwere elu ejẹn; k'i mẹhan onyẹ wẹ gi e dọn ẹnya ka orukpu rị igwere elu e jẹn. |
| 5 |
| Chuku dodo, mẹ ọghọ ị pụha ifọn imẹ elu-igwere; ọghọ ị ya pụhazịkwọ ifọn elu-ụwa ile, |
| 6 |
| kẹni ẹnyi ndị i bu obi hụn ụzọ wanahịn; dodo, za m oku gi ẹka-nni i zụọpụha m. |
| 7 |
| Chuku e kwegụọ nkwa nọkẹ onyẹ rị nsọ, sị, “M k'e mẹri wẹ ile: m k'e keni ụnụ alị Shẹkẹm, e kezikwọnị m ụnụ ọdanmgbugbu Sukọtụ. |
| 8 |
| Ẹgbẹrẹ Gilẹdị wụ nke m; alị ebọn Manasẹ wụzịkwọ nke m; ndị Ifrem wụ okpu-agha m, ndị Juda wụ ọkpọ-eze rị m ẹka. |
| 9 |
| Kanị, alị Mụabụ wụhụ afẹrẹ m gi a kwọ ẹka; Ẹdọm kẹ m'a tụye akpụkụ m; m k'e mẹri ndị Filistia, yi oro mmẹri!” |
| 10 |
| Onyẹ k'e wejẹn m d'e mẹri obodo hụ wẹ tụnhunmẹ mgbọn? Onyẹ wejẹnkọ m d'e mẹri Ẹdọm? |
| 11 |
| Chuku, y'a jụtọgụọnị ẹnyi? Y'a ra sọnzi ndị-agha ẹnyi jẹn agha! |
| 12 |
| Dodo, yeni ẹnyi ẹka makẹ ndị-iṅẹnrẹn, nị eyemẹka ịhịan enwọn ihiẹn o k'e mẹni ẹnyi. |
| 13 |
| Ebe Osolobuẹ nọyeni ẹnyi, ẹnyi k'a kpa ikẹn, mẹri. O k'a zọgbu ndị-iṅẹnrẹn ẹnyi. |
| Save Notes |
https://beblia.bible:81/BibleAudio/ika/psalms/108.mp3
150
108