×

Ika Bible 2018

Ẹbụ-ọma 110

1
Osolobuẹ sị di-nwọnni-m, “Nọdị alị ẹka-nni m, d'e ru mgbe m bugụ ndị-iṅẹnrẹn i che okpuru ụkụ ị.”
2
Osolobuẹ k'e mẹ i gha obodo Zayọnụ kịgbarị: kịma nwan ndị-iṅẹnrẹn i.
3
Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.
4
Osolobuẹ e kungụọ enwẹn ẹ ku ẹ — o kuhutọkọ ọnụ: “Onyẹ nchụn-ẹjan k'ị wụ jẹnrin ejẹn, ụdị nke Mẹkizẹdẹkị.”
5
Di-nwọnni-ẹnyi hụ ị ẹka-nni; o k'e tikpọchanrịn ndị-nze, ụhụọhịn hụ o k'e bu olulu.
6
O k'e ye alị ndị ọzọ afụnfụn njọ wẹ, gbu ozun jun alị wẹ; o k'a kụkpọ isi bu ọda imẹ alị ile.
7
O k'a rarị mirin iyi rị ụzọ, kẹni ọ hụn ndụn turu.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes