×

Ika Bible 2018

Ẹbụ-ọma 111

1
Ja nị Osolobuẹ mma! M k'e gi obi m ile kpanmịn Osolobuẹ imẹ igunrun ndị kụrụ ọtọ lẹ imẹ ozuzu ndị nke ẹ.
2
Ihiẹn Osolobuẹ rụn e hikẹ ogbe! Ndị ile ọrụn-ẹka a a sụọ a lịlịma nị wẹ ghọta wẹ.
3
Ihiẹn ile o mẹ nwọn mgbaye lẹ ọghọ; o mẹsọnmẹ ihiẹn furuni jẹnrin ejẹn.
4
O mẹgụọ ihiẹn wẹ gi a nyanhan ọrụn-atụmẹnya ndị ọ rụn; Osolobuẹ wụ onyẹ ẹfọma lẹ onyẹ-omikẹn!
5
O ye ndị a gbayen'ẹ ihiẹn-oriri; ara zọ nkwa o kwe.
6
Ọ ghọsịgụọ ndị nkẹ ẹ ikẹn ẹ ebe ọ nọ we alị ndị ọzọ ye wẹ.
7
Ezioku lẹ ẹka ri mma k'o gi e mẹ ihiẹn ẹ ile; iwu ẹ ile furu wẹ gi e dọn ẹnya:
8
wẹ turu jẹnrin ejẹn; wẹ dọnmẹsọnmẹ wẹ ogẹn ile, obi kụrụ ọtọ kẹ wẹ gi e dọnmẹ wẹ.
9
Ịya zụọpụha ndị nke ẹ; o mẹsọnmẹ ihiẹn o kwe nkwa a jẹnrin ejẹn! Ẹfan a wụ ẹfan rị nsọ w'a tụ egun ẹ!
10
Ịtụ egun Osolobuẹ wụ mbidọn amamihiẹn; ndị gi ẹ e bi e nwọnrin ezigbo nghọta. Ịja-mma k'a rịnị Osolobuẹ jẹnrin ejẹn.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes