×

Biblia Ande Chib Romani 2018

Psalms 112

1
¡Aleluia! Blagosime o lleno kai del liubao e Devle ta kai veselilpe kana kandel leke zakonura.
2
O porodo katar o lleno chacho ka avel zuralo pe phuv. E vicha katar e llene chache ka avel blagosime.
3
Ande leko cher si but barvalipe ta leko chachipe si ostade.
4
Iek villelo kletosarel ando truniariko e llenenge kai si chache. E Devleke si zalba ta si chacho.
5
O lleno lacho del unllile postenimaia ta cherel e ezgode chachimaia ande po rado,
6
goleke nikada ni ka eskombal. ¡Suako llive ka denpe golli katar o lleno chacho!
7
Ni ka avel leke dar katar e viasta bilachi, soke pachal ando Del sa pe liea.
8
Ande leko lio inai dar, dikhel pe pe dusmanura sargo kana dobisarda len.
9
Katar so si le del kai e llene chorre, leko chachipe si ostade, leko baripe ka avel vazdino ando liubao.
10
Kana o bilacho dikhel le joliaol, ta basalel pe danda jolinatar. E bilachenge ni ka llal sukar ande so mangen te cheren.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes