×

مقدس ڪلام توريت، زبور

زبور ١١٣

1
خداوند جي واکاڻ ڪريو. اي خداوند جا بندؤ! اوهين خداوند جي واکاڻ ڪريو، هائو، خداوند جي نالي کي ساراهيو.
2
شال هينئر، بلڪ هميشہ هميشہ تائين، خداوند جو نالو سڳورو هجي!
3
دنيا جي هڪڙي ڇيڙي کان وٺي ٻئي ڇيڙي تائين، شال خداوند جي نالي کي ساراهيو وڃي!
4
خداوند سڀني قومن جو حاڪمِ اعليٰ آهي، انهيءَ جي عظمت آسمانن کان بہ مٿاهين آهي.
5
خداوند اسان جي خدا جهڙو ڪو ٻيو آهي ڇا، جيڪو عرش عظيم تي تخت‌نشين آهي؟
6
انهيءَ هوندي بہ هو اتان نِوڙي هيٺ زمين ۽ آسمان تي پنهنجي ڪرم جي نظر ڪري ٿو.
7
هو مسڪينن ۽ محتاجن کي مٽيءَ ۽ ڪچري جي ڍير تان کڻي بلنديءَ تي پهچائي ٿو،
8
۽ انهن کي سردارن سان گڏ ويهاري ٿو. هائو، هو کين پنهنجي قوم جي سردارن جهڙو شان وَ شوڪت عطا ڪري ٿو.
9
اهو ئي سنڍ عورت جو گھر آباد ڪري ٿو. هائو، کيس ٻارن جي ماءُ بڻائي خوشي بخشي ٿو. خداوند جي واکاڻ ڪريو.
Sindhi Muslim Bible 2022
Muslim Sindhi Bible The Pakistan Bible Society, 2022 --- Scripture taken from the Holy Bible in Muslim Sindhi, 2022 The Pakistan Bible Society.
:
نوٽس محفوظ ڪريو