×

Ika Bible 2018

Ẹbụ-ọma 114

1
Ogẹn ndị Izrẹlụ gi gha alị Ijiptu pụha, ogẹn ụmụ Jekọpụ gi gha imẹ ndị ahụn pụha, ndị ahụn a sụ asụsụ ọzọ pụha,
2
alị Juda e họnrin Ụlọ-nsọ Osolobuẹ, Izrẹlụ ile e họnrin alị-eze ẹ.
3
Ohimin ufie e lee ẹnya, gbama ọsọ! Iyi Jọdanị a gbakinzikwọ azụụn!
4
Ugu ndị ahụn a wụshimẹ elu rịkẹ ebulu! Okee ndị ahụn a wụshimẹ elu rịkẹ ụmụ atụnrụn!
5
Ohimin, k'ị gbanị nwan ọsọ? Ịyụ wụ Iyi Jọdanị, k'ị gbakinni nwan azụụn?
6
Ugu, kị ụnụ wụshimẹni elu rịkẹ ebulu? Okee, kị ụnụ wụshimẹni elu rịkẹ ụmụ atụnrụn?
7
Alị, mẹhunmẹmẹ, n'ị rị ihun Osolobuẹ, n'ị rị ihun Chuku Jekọpụ,
8
hụn e gi ọmụma e họnrin ọgbọ-mirin, e gi ọmụma zeni e họnrin ebe mirin gha a gbapụha.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes